EDUCACIÓN E CIDADANÍA
Publicadas as listaxes de admitidos e de agarda nas escolas infantís municipais e nos seus obradoiros de verán
Despois da súa aprobación pola Xunta de Goberno, a Concellaría de Educación e Cidadanía vén de publicar as listaxes definitivas de admitidos, excluídos e listas de agarda nas escolas infantís municipais de Conxo, Fontiñas e Meixonfrío-Salgueiriños para o curso 2017-2018.
EDUCACIÓN E CIDADANÍA
A Escola Municipal de Música celebra o seu Festival de Música e Movemento
Os días 30 e 31 de maio, ás 18:30 horas, o Auditorio Abanca acollerá o Festival de Música e Movemento que tradicionalmente organiza o departamento desta área da Escola Municipal de Música. O evento servirá para dar a coñecer o traballo desenvolvido ao longo do curso por máis de 185 alumnos e alumnas de idades comprendidas entre os 3 e os 7 anos, acompañados do profesorado da EMM e das súas familias.
ACCIÓN CULTURAL
Inauguración de "Os mundos de Carlos Casares" na Zona "C"
Este martes, ás 19:00 horas, inaugúrase na Zona "C" a exposición Os mundos de Carlos Casares. No acto inaugural estarán presentes Håkan Casares Berg, fillo de Casares; Goretti Sanmartín, vicepresidenta e responsable da área de Cultura da Deputación da Coruña; e Marta Lois, concelleira de Igualdade, Desenvolvemento Económico e Turismo do Concello de Santiago.
EDUCACIÓN E CIDADANÍA
O Grupo de Educación do Eixo Atlántico reuniuse na cidade lusa de Braga
O concelleiro de Educación e Cidadanía, Manuel Dios, presidiu a reunión do Grupo de Educación do Eixo Atlántico, celebrada este luns na cidade portuguesa de Braga. Ademais de Santiago, estiveron representadas as cidades de Santa María da Feira, Braga e Ourense, xunto con integrantes do Eixo Atlántico.
ALCALDÍA
Recepción en Raxoi ao presidente da Cámara de Representantes de Uruguai, José Carlos Mahía
O alcalde de Santiago, Martiño Noriega, recibiu o presidente da Cámara de Representantes da República Oriental de Uruguai, José Carlos Mahía. Tamén acudiron ao encontro a cónsul xeral de Uruguai en Galicia, María del Huerto Arcaus; os deputados Carlos Varela e Gerardo Amarilla; e o secretario do Grupo Interparlamentario Uruguaio, Óscar Piquinesa.
EDUCACIÓN E CIDADANÍA
O XII Certame de Danza Intercentros puxo en escena 17 coreografías no Auditorio de Galicia
O Auditorio de Galicia acolleu o XII Certame de Danza Intercentros, Compostela en danza, no que participaron 175 escolares de Infantil, Primaria e Secundaria dos CEIPs Pío XII, López Ferreiro, Arquitecto Casas Novoa e Mestre Rodríguez Xixirei, do Colexio San Xosé de Cluny e do IES Rosalía de Castro. O concelleiro de Educación e Cidadanía, Manuel Dios, non se quixo perder a cita e dirixiu unhas palabras ao público asistente.
FESTAS
María Fumaça e a Banda Municipal de Música despiden as festas da Ascensión 2017
As festas máis picheleiras chegan ao seu fin con actividades para todos os públicos. O deporte continúa a ser unha das apostas destes festexos co Campionato Galaico-Portugués Sub 17 masculino, que terá lugar no Pavillón Municipal de Vite de 10:00 a 13:30 horas.
EDUCACIÓN E CIDADANÍA
O Departamento de Educación participou en Pontevedra no Encontro da Rede de Cidades dos Nenos e Nenas do Proxecto Tonucci
A recuperación do espazo público é un dereito dos cidadáns beneficioso para todos os integrantes das cidades e irreversible. Esa é a principal concusión do Encontro da Rede Española de Cidades dos Nenos e Nenas do Proxecto Tonucci, que se celebrou en Pontevedra e en cuxo plenario e comisións de traballo participou a Concellaría de Educación e Cidadanía, que forma parte desta Rede. Máis de 50 concellos de toda España participaron neste Encontro. A reunión anual de 2018 celebrarase en Huesca.
PATRIMONIO
O Grupo de Cidades Patrimonio aproba o Plan Estratéxico 2017-2019
A primeira tenente de alcalde, María Rozas, participou na Asemblea Xeral do Grupo de Cidades Patrimonio da Humanidade de España, máximo órgano de goberno da entidade, celebrada en Eivissa. Na mesma aprobouse o Plan Estratéxico 2017-2019, que será a folla de ruta á que se irán sumando novos proxectos que se levarán a cabo nas 15 cidades que conforman o Grupo.
XUNTA DE GOBERNO
O Goberno local adxudica seis novos postos da Nave 5 da Praza de Abastos
A Xunta de Goberno aprobou este venres a adxudicación do uso de seis novos postos da Nave 5 da Praza de Abastos, en concreto dos locais 2, 3, 4, 5, 9 e 10. Deste xeito, pasan a estar ocupados sete dos dez postos do recinto. O alcalde, Martiño Noriega, mostrou o seu convencemento de que "de cara ao verán, os locais da Nave 5 estarán adxudicados na súa totalidade, porque consta o interese de varias persoas para ocupar os tres postos aínda baleiros".