Noticias

10.00 h
Pleno ordinario
Na Casa do Concello, sesión ordinaria do Pleno da Corporación coa seguinte orde do día:

Turismo de Santiago continúa esta semana en Polonia coa súa intensa campaña de promoción internacional de cara a temporada do próximo ano, co obxectivo de consolidar a forte reactivación do turismo foráneo que se está vivindo neste ano 2022, no que nos meses de maio, xuño e setembro as pernoctacións internacionais superaron ás de turistas españois.

Será este sábado 29 de outubro cando máis de 300 ciclistas chegados das catro provincias galegas e de fora da nosa comunidade, de entre 14 e 69 anos, pedalearan os 2.500 metros de circuíto do Cicloross Cidade de Santiago, unha "cita xa clásica no calendario dos grandes eventos deportivos que acolle a nosa cidade e que atrae a centos de afeccionados desta disciplina ciclista" apunta a concelleira de Deportes e Benestar Animal, Esther Pedrosa.

O Pleno ordinario do Concello de Santiago, que comezou cun minuto de silencio en memoria das vítimas de violencia machista, admitiu unha moción conxunta de urxencia para apoiar a candidatura da "Asociación cultural e pedagóxica Ponte… nas ondas!" ao rexistro de boas prácticas co Patrimonio Cultural Inmaterial (PCI) da UNESCO. Non se debateu, igual que a moción sobre a mellora dos espazos públicos de Vite -Vista Alegre e ampliación das zonas de aparcadoiro, na que todos os grupos tamén concordaron.

O Concello de Santiago lembra á cidadanía que pode solicitar o pagamento fraccionado de varios tributos municipais ata en 9 cotas antes do 1 de febreiro de 2023.

Este xoves, 27 de outubro, comezará o XIV Santiago(é)Tapas, baixo o lema de ‘Toleamos por (é)Tapas’. O concurso de tapas de Santiago, un evento promovido por Turismo de Santiago e organizado pola Asociación Hostalaría Compostela, ofrecerá durante dúas semanas e media -ata o día 13 de novembro incluído- 62 petiscos de 38 locais composteláns. Así o indicaron en rolda de prensa o concelleiro de Turismo, Sindo Guinarte, a xerente de Turismo de Santiago, Flavia Ramil, e o presidente da Asociación Hostalaría...

Entre o 3 e o 6 de novembro volve Compostela Ilustrada tras o parón da pandemia con obradoiros na rúa, dúas exposicións, workshops e outras moitas actividades repartidas por diferentes puntos da cidade: o Auditorio de Galicia, o Mercado de Abastos, San Martiño Pinario, a libraría Cronopios ou a Casa do Taberneiro. Todo desde unha perspectiva de xénero porque se trata "de reflexionar, reivindicar e crear a través da ilustración, do debuxo e do cómic" apuntou a concelleira de Acción Cultural e Igualdade,...

Unha ofrenda floral diante da escultura situada na Alameda lembrou este martes, Día de García Lorca en Galicia, ao escritor. O poeta granadino coñeceu Santiago sendo estudante universitario en 1916, e regresou logo en varias ocasións en 1932 e aquí publicou os Seis poemas galegos en 1935.

Este programa forma parte do programa municipal Compostela Móvese 2022 do Concello de Santiago que pretende dar visibilidade ás empresas do territorio. A visita permitiu ao estudantado dos ciclos superiores achegarse á actividade da empresa Mestrelab Research, que desenvolveu un software especializado en investigación química.

O concelleiro de Centros SocioCulturais, Javier Fernández, acompañado por Enrique Vázquez, director da Rede de CSC; Sandra Quintana, coordinadora do programa de artes escénicas e musicais do CSC de Santa Marta e o mago Romarís, presentou esta mañá o ciclo "Abracastaña. Por arte de Maxia" que arrancará o vindeiro 3 de novembro no Centro Sociocultural de Fontiñas co actuación do mago Vituco. Druante a rolda de prensa tamén se presentou a III edición do terraZeando que levará concertos...