ALCALDÍA
O alcalde reivindica o Camiño Primitivo en Lugo
O alcalde de Santiago participou hoxe nun acto organizado polo Concello de Lugo no marco das festas de San Froilán para poñer en valor o Camiño Primitivo. Martiño Noriega foi un dos rexedores convidados a facer un percorrido por un tramo desta ruta, entre a Porta de San Pedro e a Porta Miñá, xunto coa alcaldesa de Lugo, Lara Méndez, e o alcalde de Oviedo, Wenceslao López. Tamén participaron os alcaldes de Baleira, Ángel Enrique Martínez-Puga; Castroverde, Xosé María Arias; o tenente de alcalde da...
DEPORTE
Mañá remata a inscrición para a última proba do CorreSan do 15 de outubro
O V Circuíto de Carreiras Saudables CorreSan chega ao seu final coa celebración da última proba deste 2016, que será a Ruta dos Parques de Compostela. CorreSan é o programa de carreiras a pé organizadas pola Federación Galega de Atletismo e patrocinadas polo Concello de Santiago de Compostela a través do seu Departamento de Deportes.
FACENDA
Seguen as asembleas de votación de propostas dos OP, hoxe para a área Sueste
A primeira asemblea de decisión dos Orzamentos Participativos convocou este luns na Casa das Asociacións de Cornes a representantes de asociacións veciñais e habitantes da área rural compostelá. Os asistentes ao encontro puideron analizar, debater e defender algunhas das 86 propostas que hai rexistradas neste proceso, dun total de 126 presentadas.
TURISMO
Turismo de Santiago promociona a cidade na principal feira turística de Italia
Turismo de Santiago promocionará a cidade na TTG Incontri, a feira de turismo cultural máis importante de Italia, que terá lugar en Rimini entre o 13 e o 16 de outubro. Trátase do maior foro de contratación do sector turístico italiano, xa que convoca a maior parte dos operadores turísticos do país.
CONSORCIO
A Real Filharmonía de Galicia celebra o primeiro concerto para nenos e familias desta temporada
A Real Filharmonía de Galicia celebra esta semana dous concertos na súa sede, o compostelán Auditorio de Galicia. O primeiro será este xoves, 13 de outubro, co que arrinca a súa temporada de abono, ás 20:30 horas. Ao día seguinte, o venres, ás 18:30 horas, parte do concerto repetirase para o público máis novo e para as familias, no marco do ciclo Descobre unha orquestra para ti, a túa!
ACCIÓN CULTURAL
Ábrese o prazo para a viaxe ao Allentejo portugués do programa "Imos de excursión"
Este vindeiro xoves,13 de outubro, a partir das 17:00 horas, abrirase o prazo de inscrición para a próxima excursión do programa municipal Imos de Excursión 2016. Nesta ocasión, a visita de tres días, do 29 ao 31 de outubro, é a Portugal, á rexión do Allentejo-Litoral.
MEDIO AMBIENTE
En marcha un proxecto piloto de illas de compostaxe comunitarias
A Concellaría de Medio Ambiente e Convivencia está instalando tres illas de compostaxe comunitarias nos barrios de Galeras, Santa Marta e Salgueiriños. Trátase dun proxecto piloto que o departamento de Xan Duro pon en marcha co obxectivo de "implicar e concienciar ás familias compostelás da necesidade de que sexan responsables coa xestión dos residuos que xeran".
IGUALDADE
O Concello asina un convenio con Cáritas para o programa Vagalume
A concelleira de Igualdade, Desenvolvemento Económico e Turismo, Marta Lois, asinou esta mañá un convenio de colaboración con Cáritas para o desenvolvemento do seu programa Vagalume de atención a mulleres en contextos de prostitución.
POLÍTICAS SOCIAIS
Novos convenios con Cáritas, Sarela, Proxecto Home e a Asemblea de Cooperación pola Paz
A concelleira de Políticas Sociais, Diversidade e Saúde, Concha Fernández, asinou esta mañá catro novos convenios con entidades sociais da cidade por un importe total de 157.000 euros. Os acordos subscritos hoxe foron con Sarela, Asemblea de Cooperación pola Paz, Proxecto Home e Cáritas.
IGUALDADE
Minuto de silencio no Obradoiro pola última vítima da violencia machista
A praza do Obradoiro acolleu unha concentración para condenar o último asasinato machista, que deixou unha vítima esta fin de semana en Ávila.