Noticias

O Concello de Santiago celebrou hoxe o Día Internacional da Muller cun acto institucional no que o alcalde e representantes dos grupos municipais que integran a Corporación deron lectura a un manifesto, e co fallo do premio Xohana Torres, que recaeu na curtametraxe "As pétalas murmuran" de Arantxa Lamas Ponte.

Unha vez publicadas as bases no BOP, os establecementos da área de Concheiros poden solicitar xa a súa participación no programa, prazo que se manterá aberto ata o 31 de maio de 2022. A partir do venres abrirase o turno para que a clientela poida descargar os bonos.

O rexedor compostelán, Xosé Sánchez Bugallo, xunto do delegado do Goberno en Galicia, José Miñones, e a concelleira de Urbanismo, Mercedes Rosón, visitou esta mañá as obras do Orbital, que se atopan ao 30% de execución. Tamén asistiron os concelleiros José Antonio Constenla (PP), Jorge Duarte (CA) e Navia Rivas (BNG).

A praza do Obradoiro acolleu este mediodía un minuto de silencio pola muller asasinada o pasado xoves en Maqueda (Toledo), vítima de violencia machista.

O alcalde de Santiago, Xosé S. Bugallo, asinou esta mañá no Pazo de Raxoi un pacto de amizade cos alcaldes das cidades italianas de Norcia, Subiaco e Cassino, co obxectivo de reforzar o vínculo entre o Camiño de Santiago e os principais centros do Camiño de San Bieito. Esta unión simbólica de camiños levouse a cabo no marco da visita a Santiago dos membros da delegación oficial das Celebracións Beneditinas, na que portaron o facho da orde, bendito previamente polo Papa e que, tras o periplo por España,...

A Xunta de Goberno Local aprobou hoxe a adxudicación do contrato que ten por obxecto a instalación de alumeado público novo, para substituir ao anterior, no lugar de Xulacasa, en Figueiras, a Valdonaire Solucións Técnicas SL, por un importe total de 44.044,00 euros, IVE engadido. Dos acordos adoptados, deu conta en rolda de prensa, o alcalde de Santiago, Xosé Sánchez Bugallo.

Trátase dunha obra civil orientada a substituir a infraestrutura de alumeado público existente, incluíndo luminarias led de alta...

O programa de actividades co gallo do 8 de marzo arrancou hoxe cun evento organizado polo Concello de Santiago, no que se homenaxeou a varias mulleres e colectivos que forman parte da historia viva da cidade, e que se distinguen polo seu labor a prol da igualdade. Baixo o lema "Mulleres de Compostela", a Sala Mozart do Auditorio de Galicia, acolleu esta tarde a gala de entrega dos galardóns, que foi conducido pola xornalista Marga Pazos, e que contou coa presenza do alcalde de Santiago, Xosé A. Sánchez Bugallo, a concelleira de Igualdade, Mercedes Rosón....

Os Bonos Corazón Concheiros contarán cun investimento de 75.000 euros, e estarán operativo para a clientela dos comercios e os locais de restauración da zona de Concheiros-San Pedro, entre o 11 de marzo e o 31 de maio de 2022. Establécense tres modalidades de bonos: de 75 euros, de 50 e de 30 euros. Todos estarán cofinanciados nun 40% polo Concello de Santiago e nun 60% pola persoa solicitante.

O Concello de Santiago, atendendo as recomendacións do Fondo Galego de Cooperación e Solidariedade e da AECID (Agencia Española de Cooperación Internacional para el Desarrollo), prega á cidadanía que non entregue máis produtos nin alimentos con destino a Ucraína pois, como indica o Fondo, "as ONG que xestionan o reparto da axuda no terreo están colapsadas" e "non se pode garantir a correcta distribucións dos materiais nin tan sequera que estes cheguen a destino".

A mítica compañía de teatro compostelá Monicreques de Kukas celebra os seus 43 anos de existencia cunha serie de exposicións e representacións que percorrerá os Centros Socioculturais e a Biblioteca Pública Ánxel Casal durante os meses de febreiro, marzo e abril. Esta mañá celebrouse no CSC do Romaño, no que se pode visitar unha mostra con marionetas, decorados e carteis sobre a obra "Don Gaiferos", un acto de inauguración que contou coa presenza do alcalde de Santiago, Xosé S. Bugallo,...