Noticias

O Pazo de Raxoi acolleu esta mañá a reunión final do proxecto europeo liderado polo Eixo Atlántico EPICAH, centrado na importancia da cultura como motor económico das cidades. Na súa intervención, Sánchez Bugallo sinalou que en Santiago este sector representa un 6% da actividade económica, e ten "potencial" para "experimentar un crecemento moito maior que outros sectores".

A Xunta de Goberno Local aprobou hoxe, nunha reunión extraordinaria, alugar á empresa Desproi Promociones un inmoble que se destinará á ubicación dos servizos de parques e xardíns e medio rural de xeito temporal, e polo periodo de execución das obras das novas instalacións sitas no recinto ferial de Amio. Tamén se lle deu luz verde ao traslado do persoal téncio e administrativo destes departamentos ás novas instalacións.

O Concello de Santiago informa:

A Xunta de Goberno Local aprobou hoxe as bases da convocatoria e adxudicación de 36 cheques de consultoría para o comercio local do programa Coidar para mellorar 2021 nas seguintes modalidades de comunicación, escaparatismo e mercadotecnia visual, e transformación dixital. Tamén lle deu luz verde ás bases da convocatoria de subvencións, destinadas ao fomento do deporte federado.

O alcalde de Santiago, Xosé Sánchez Bugallo, mantivo esta mañá un novo encontro coas asociacións de comerciantes Comercio Punto Compostela, Compostela Monumental, Em-Rede, Fundación Santiago Centro, Ourives de Compostela e Área Central, no que se trataron varios asuntos; entre eles, o pagamento das últimas axudas ao rescate convocadas, que se farán efectivas ao longo deste mes.

O alcalde de Santiago, Xosé Sánchez Bugallo, recibiu hoxe a Javier Solana, ex-representante da Política Exrterior e de Seguridade Común da Unión Europea, que esta tarde, ás oito, recollerá, no Paraninfo da USC, o XXV Premio Internacional Grupo Compostela de Universidades.

O alcalde de Santiago, Xosé Sánchez Bugallo, visitou hoxe o Festival intercultural Compostela Convive, que se celebrou na Alameda, acompañado da concelleira de Políticas Sociais, Mila Castro, e do presidente da Plataforma polo Emprego, Miguel Fernández; entidade organizadora do evento, no que colabora o concello compostelá.

A concelleira de Medio Ambiente, Mila Castro, destacou hoxe a volta paulatina á normalidade no subministro de auga á cidade de Santiago, despois da suspensión, onte, da captación de auga do Tambre por parte da ETAP, debido a unha vertedura de puríns. A concelleira garante a potabilidade da auga, aínda que amose turbidez, debido, sinala, a "ese tempo que a planta de tratamento estivo parada, e a esa baixada de nivel dos depósitos".

O Concello de Santiago de Compostela, informa que, debido a unha vertedura aparecida na madrugada deste sábado na captación da auga do Río Tambre, augas arriba da Estación de Tratamento de Auga Potable do mesmo nome, verase afectado a subministración de auga á poboación e ao sector industrial.

Ante as posibles restricións de auga debidas a unha vertedura no río Tambre faise necesaria a colaboración de toda a cidadanía.