Noticias

O Pazo de Raxoi acolleu esta mañá o acto de presentación da campaña "Santiago Concilia" coa que o Concello en colaboración con CERSIA e a USC pretende dar difusión ás iniciativas postas en marcha por diferentes empresas locais para favorecer a conciliación laboral e familiar do seu persoal. O acto contou coa presenza do alcalde de Santiago, Xosé S. Bugallo, a responsable de Promoción Económica do Concello de Santiago, Carme Casado, así como os representantes das sete empresas compostelás...

Santiago recibe esta semana a visita dos xerentes dos outros dous Consorcios de cidades Patrimonio da Humanidade que hai en España -ademais do de Santiago-, Cuenca e Toledo.

O DOG publica hoxe a resolución da Dirección Xeral de Patrimonio Cultural pola que se acorda a inscrición do denominado castelo da Rocha Forte no Rexistro de Bens de Interese Cultural de Galicia. O castelo da Rocha Forte convértese así no primeiro BIC de titularidade municipal. Unha distinción solicitada polo Concello de Santiago, impulsor desta iniciativa, co obxectivo de pór en valor unha fortaleza de gran importancia estratéxica e histórica.

O Pleno da Corporación aprobou hoxe inicialmente o proxecto de "Orzamento Xeral do Concello de Santiago de Compostela e o seu anexo de persoal para o exercicio 2022", que ascende a 129.829.373,12 euros. O único punto da orde do día contou cos votos a favor do grupo municipal socialista, coa abstención de BNG e CA, e co voto en contra do grupo municipal popular.

O Instituto de Estudos Galegos Padre Sarmiento (IEGPS), en colaboración co Concello de Santiago, ofrece aos veciños e veciñas da cidade a posibilidade de achegarse ás pezas arqueolóxicas, artísticas e etnográficas que alberga a institución a través dunha serie de visitas ao longo do 2022. O ciclo inaugúrase cunha visita que terá lugar o próximo 23 de febreiro co gallo do día de Rosalía de Castro.

O Concello de Santiago resultou beneficiario das axudas destinadas ao fomento da compostaxe, cofinanciadas polo Fondo Europeo de Desenvolvemento Rexional con cargo ao programa operativo FEDER Galicia 2014-2020. No marco destas axudas recibíronse 600 composteiros individuais para a súa distribución entre as persoas que así o soliciten.

A Xunta de Goberno Local aprobou hoxe os prazos de reserva de prazas e presentación de solicitudes para o alumnado actual e os de novo ingreso das Escolas Infantís Muncipais de Conxo, As Fontiñas e Meixonfrío-Salgueiriños; e da Escola Municipal de Música. Dos acordos adoptados informou en rolda de prensa o alcalde de Santiago, Xosé Sánchez Bugallo.

A Xunta de Goberno aprobou esta mañá as actuacións que levará a cabo o Concello con cargo ao Plan provincial de cooperación ás obras e servizos "POS + 2022" da Deputación da Coruña, que supoñen un total de 800.467,75 euros destinados á realización de catro sendas e á construción dun parque infantil e unha pista polideportiva. Esta achega complétase co Plan Complementario do POS: preto de 443.000 euros para tres obras de pavimentación. A estes investimentos, todos eles no rural,...

O alcalde de Santiago, Xosé Sánchez Bugallo, e a concelleira de Acción Cultural, Mercedes Rosón, inauguraron esta mañá a peza realizada pola artista Mar Ramón Soriano que homenaxea a figura da costureira, editora, mestra e activista galeguista María Miramontes. A peza loce xa na praza situada entre a rúa Manuel Beiras e a rúa María Miramontes, na zona de Cornes. No acto tamén estiveron presentes, entre outros, a escultora; o sobriño neto de María Miramontes e Ánxel Casal; a voceira do...

A concelleira de Acción Cultural Mercedes Rosón e o concelleiro de Medio Rural, José Manuel Pichel, acompañados pola técnica de programación dos Centros Socioculturais, Lourdes de la Cruz, presentaron hoxe en rolda de prensa unha proposta de Entroido que combina actividades presenciais e virtuais. Ata o 5 de marzo, toda a familia poderá desfrutar dunha ampla oferta de iniciativas entre as que destaca a comparsa de temática romana "Os trescentum de Asseconia" que permitirá á veciñanza coñecer...