Noticias

Mañá, 24 de setembro, ábrese o prazo para que os consumidores/as poidan solicitar os bonos Corazón Compostela, unha iniciativa do Concello de Santiago que ten por obxectivo incentivar a actividade económica mediante o cofinanciamento de bonos para o consumo no comercio e na hostalería local. En total, poranse en circulación 20.000 bonos de 75 euros, 45 achegados pola persoa solicitante (o 60%) e 30, polo Concello (o 40%). Terán validez ata o 10 de decembro. Cada cliente poderá solicitar un único bono. O seu importe irase...

Curtocircuíto – Festival Internacional de Cine celebrará a súa 18ª edición do 2 ao 10 de outubro consolidando una programación arriscada e interdisciplinaria que fai de Santiago de Compostela o punto de encontro de todas as artes. Na presentación, realizada hoxe no Concello de Santiago de Compostela, participaron Xosé A. Sánchez Bugallo, alcalde de Santiago; Mercedes Rosón, concelleira de Acción Cultural de Santiago de Compostela; Anxo Lorenzo, secretario xeral de Cultura da Xunta de Galicia; Xurxo Couto, deputado...

O concelleiro de Mocidade, Rubén Prol, presentou hoxe o programa Noites Alternas, unha iniciativa de lecer nocturno alternativo destinada á mocidade que ten como obxectivos establecer relacións persoais saudables e construtivas, apoiar a prevención de hábitos de consumo de alcol e drogas e xerar dinámicas críticas, participativas e creativas que poidan reverte en beneficios da xuventude e da sociedade en xeral.

Neste momento, o departamento de Obras do concello de Santiago ten en marcha máis de 30 actuacións, cun investimento superior aos 10 millóns de euros. Hoxe, o concelleiro de Obras, Javier Fernández, deu conta das máis importantes. Entre as que están en execución destacou a reurbanizacion da rúa dos Concheiros e a da rúa do Hórreo. E xa no apartado de licitación, resaltou a rehabilitacion do palacete da Finca do Espiño, xa adxudicada, e "a punto de comezar".

A concelleira de Medio Ambiente, Mila Castro, deu conta en rolda de prensa da licitación pública dos quioscos situados no parque da Alameda e na praza de Vigo. As ofertas poderán presentarse a partir de mañá e durante un prazo de 30 días hábiles. Mila Castro estivo acompañada pola directora da Área de Servizos Básicos, Rocío Montañés.

O alcalde de Santiago, Xosé A. Sánchez Bugallo, e o concelleiro de Educación, Rubén Prol, visitaron esta tarde a Escola Municipal de Música con motivo do inicio do curso escolar 2021-2022. A Escola comezou o novo ano académico o pasado 9 de setembro con máis de 400 alumnos e alumnas.

O concelleiro de Mobilidade e Seguridade Cidadá, Gonzalo Muiños, participou onte no II Foro da Mobilidade, organizado pola Mesa da Mobilidade do Concello da Coruña, que tivo lugar no Museo Científico Domus da cidade herculina.

A Xunta de Goberno Local aprobou hoxe as bases para a selección do alumnado traballador e do persoa director e docente do "Obradoiro dual de emprego Creas IV do concello de Santiago de Compostela". Este obradoiro, que conta cun orzamento de 439.196 euros, terá unha duración de 19 meses, e permitirá formar a 20 persoas en situación de desemprego.

O Espazo Educativo e de Lecer María Miramontes, situado no barrio das Fontiñas, bota a andar no mes de outubro, cun espazo axeitado para o xogo e cunha programación pensada para favorecer a conciliación familiar e o desenvolvemento psicomotor, cognitivo, crítico, creativo e afectivo dos nenos e nenas. Todas as actividades e servizos ofertados son de balde.

A concelleira de Políticas Sociais, Mila Castro, deu conta en rolda de prensa da resolución da convocatoria para a concesión de bolsas de comedor, adquisición de material escolar e realización de actividades extraescolares, que aprobou o venres a Xunta de Goberno. Nesta convocatoria, dotada con 651.000 euros, xestionáronse 739 expedientes. En total, concedéronse 1.310 bolsas nas súas diferentes modalidades.