Noticias

O alcalde de Santiago, Xosé Sánchez Bugallo, deu conta hoxe en rolda de prensa dos asuntos tratados na última Xunta de Goberno ordinaria do ano, entre os que destacan, ademais da xustificación de 26 subvencións por un importe total de 330.699,33 euros, a concesión da licenza ao Arcebispado de Santiago para a rehabilitación do pavillón historicista e do muro de peche do Mosteiro de San Martiño Pinario. Tamén se concedeu unha licenza á Sociedade Cooperativa Gallega para a construción dunha edificación de...

A Xunta de Goberno extraordinaria aprobou hoxe dez convenios de colaboración por un importe total de 269.000 euros con diferentes asociacións e federacións deportivas da cidade. Tamén tomou conta da axuda de 15.000 euros para sufragar o convenio de colaboración coa Confederación Galega de Persoas con Discapacidade (COGAMI). O alcalde de Santiago, Xosé Sánchez Bugallo, deu conta da información en rolda de prensa.

O Concello de Santiago de Compostela xunto coa USC, a Deputación da Coruña, e a secretaría Xeral para o Deporte da Xunta de Galicia presentaron este xoves 23 o convenio de cooperación dotado con preto de medio millón de euros para a renovación e o acondicionamento das instalacións de atletismo do estadio universitario, cuxa última pavimentación data do ano 1998. Está previsto que as obras rematen no primeiro trimestre de 2022.

As escolas infantís municipais de Conxo, As Fontiñas e Meixonfrío-Salgueiriños dedicaron este mes de decembro a preparar o Nadal. Nenos e nenas traballaron en diferentes talleres nos que fixeron manualidades coas que agasallar as súas familias e celebraron unha festa de Nadal na que recibiron a visita do Apalpador.

O pleno do concello de Santiago, que comezou cun minuto de silencio polas vítimas de violencia machista, aprobou por unanimidade de todos os grupos municipais a modificación puntual do PXOM no ámbito do SUD 9-10, estrada de Vigo-Chouchiños. Tamén coa luz verde de todos os grupos saíu adiante a moción conxunta para dar apoio ás reivindicacións das traballadoras do Servizo de Axuda no Fogar

O Concello de Santiago e a Cámara de Comercio manteñen desde o ano 2000 un acordo de colaboración para a convocatoria anual dos Premios Manuel Beiras, dedicados a recoñecer e poñer en valor as empresas que empregan habitualmente o galego na súa comunicación.

A praza do Obradoiro acolleu este mediodía un minuto de silencio polas mulleres asasinadas en Torrevieja (Alacante) e en Liaño (Cantabria), vítimas de violencia machista.

A obra de teatro "Como agullas finas cravadas no pescozo", de María Caíña Hurtado, é a gañadora da cuarta edición dos Premios SELIC de creación literaria, convocados polo Concello de Santiago. O accésit foi para a novela "Os acios tardegos", de Antonio Piñeiro Fernández. A concelleira de Acción Cultural, Mercedes Rosón, destacou a singularidade deste galardón, que ten como obxectivo enriquecer o patrimonio literario de Compostela en lingua galega.

A praza do Obradoiro acolleu esta mañá a presentación dos novos vehículos rotulados cos que vai contar dende hoxe a Policía local de Santiago: 8 turismos Seat Ateca e 1 todoterreo Land Cruiser. Ao acto asistiron o alcalde de Santiago, Xosé Sánchez Bugallo; o concelleiro de Mobilidade e Seguridade Cidadá, Gonzalo Muiños; e o xefe da Policía Local, José Ramón Silva.

As empresas interesadas teñen de prazo ata o vindeiro 17 de xaneiro para presentar as súas ofertas.