CONSORCIO
Oitenta e un rapaces aspiran a acceder ao curso de Especialización Instrumental da Escola de Altos Estudos Musicais
A Escola de Altos Estudos Musicais (EAEM), con sede en Santiago de Compostela, organiza unha nova edición do Curso de Especialización Instrumental 2015-2016. Esta iniciativa diríxese a estudantes de música de grao medio ou superior que buscan perfeccionarse nalgún destes instrumentos: violín, viola, violoncello, frauta, óboe, clarinete, fagot, trompa, trompeta, trombón ou percusión.
CULTURA
Xosé Antonio Touriñán e Javier Veiga presentan este sábado "Por que as cousas sempre poden ir a peor" en Falabaratos
Este sábado, noite de humor no Teatro Principal con dous dos humoristas de referencia do panorama galego, Xosé Antonio Touriñán e Javier Veiga. Será a partir das 21:00 horas cando poderemos velos unidos en Por que as cousas sempre poden ir a peor, unha historia para esmendrellarse de risa contada dende o punto de vista de dous personaxes totalmente distintos. Dous monólogos hilarantes dende dúas formas de entender a vida dentro do ciclo Falabaratos. O prezo da entrada é de 15 euros (12 no anfiteatro) e poden mercarse no despacho...
CENTROS SOCIOCULTURAIS
Continúa a I Mostra de Clubs de Teatro Afeccionado dos centros socioculturais
Este sábado 20 de xuño continúan as representacións dos clubs de teatro dos centros socioculturais na sala Agustín Magán do Centro Sociocultural de Santa Marta, no marco da I Mostra de Clubs de Teatro Afeccionado. Nesta terceira entrega (aínda queda outra) amosarán o seu traballo catro formacións. A entrada é libre ata completar a capacidade da sala.
CENTROS SOCIOCULTURAIS
Últimas prazas para os paseos na procura das herbas de San Xoán de Vive o Verán
Como preparación para o solsticio de verán e a noite de San Xoán, existe a tradición de recoller as plantas que poderemos deixar ao orballo da noite para que adquiran as propiedades máxicas e curativas que conta a tradición. Por iso, dende os centros socioculturais, no marco do programa Vive o verán 2015, promóvese o mantemento desta tradición a través de dous roteiros para recoller as sete herbas e gozar da natureza en grupo.
CENTROS SOCIOCULTURAIS
Novas citas co programa "Imos ao baile"
Intensa fin de semana de bailes nos locais socioculturais do rural de Santiago, que que acollen este sábado 20 de xuño varias actuacións promovidas pola Concellería de Acción Cultural dentro do programa Imos ao baile 2015.
EDUCACIÓN E CIDADANÍA
A Concellería de Educación e Cidadanía recibiu o premio institucional concedido no marco dos III Premios Nacionais de Curtametraxes de Educación Viaria
O concelleiro de Educación e Cidadanía, Manuel Dios, e o responsable do Departamento de Educación, Xosé Manuel Rodríguez-Abella, recibiron na Academia do Cine de Madrid o premio institucional concedido a esta área municipal no marco dos III Premios Nacionais de Curtametraxes de Educación Viaria, organizado polo Real Automóbil Club de España (RACE). O galardón foi concedido en recoñecemento ao seu labor en prol da educación e da seguridade viaria.
CULTURA
Doce horas de música na praza da Quintana pechan o Ciclo 1906 de Jazz
Como xa é costume, o VIII Ciclo 1906 de Jazz pecha a súa programación cun evento moi especial, un Maratón de 12 horas ininterrompidas de música, de 12 do mediodía a 12 da medianoite. Será, como é tamén habitual, o 19 de xuño, polo xogo de datas 19.06, e na praza da Quintana. A entrada é libre.
EDUCACIÓN
Premio á "extraordinaria traxectoria, compromiso e sensibilidade" da Concellería de Educación en prol da seguridade viaria
O concelleiro de Educación e Cidadanía, Manuel Dios, deu conta do premio institucional concedido ao Departamento de Educación do Concello de Santiago no marco dos Premios Nacionais de Curtametraxes de Educación Viaria, organizado polo Real Automóbil Club de España (RACE). O galardón foi concedido en recoñecemento ao labor en prol da educación e da seguridade viaria deste Departamento, en representación do cal estiveron tamén na rolda de prensa Xosé Manuel Rodríguez-Abella, Beatriz Varela e Susana...
MOCIDADE
O Teatro Principal acolle a gala de final de curso do programa Compostela Actúa
Este mércores 18 de xuño, ás 19:00 horas, celebrarase no Teatro Principal a gala de final de curso do programa Compostela actúa, organizado pola Concellería de Mocidade. Neste programa participan 50 mozos e mozas con idades comprendidas entre os 16 e os 30 anos.
CULTURA
A Banda Municipal dedica o concerto deste xoves en Praterías á música galega
A Banda Municipal de Música de Santiago ofrece o seu concerto habitual dos xoves ás 20:00 horas na praza das Praterías. Nesta ocasión, a formación dedicará a actuación á música galega e ao seu instrumento por antonomasia, a gaita.