ACCIÓN CULTURAL
Ars Atlántica interpreta "Rinaldo", de Haendel, no Festival Via Stellae
Ars Atlántica, dirixida polo compostelán Manuel Vilas, preséntanos unha versión da ópera de Haendel Rinaldo no Via Stellae. Será este mércores 8 de xullo, ás 20:00 horas, no Teatro Principal. As entradas para este concerto teñen un prezo de 6 euros (e está dentro do Bono do festival). Poden mercarse no despacho de billetes do Teatro Principal (aberto de 18:00 a 21:00 horas), en entradas.abanca.com ou no 902 434 443.
MEDIO RURAL
O Concello de Santiago súmase á defensa do sector lácteo de Galicia
O alcalde de Santiago, Martiño Noriega, e o concelleiro de Medio Rural e Equilibrio Territorial, Rafael Peña, asistiron no edificio Cersia ao acto de constitución da Plataforma en Defensa do Sector Leiteiro de Galicia.
CONSORCIO
O Consorcio reparará a cuberta da igrexa de San Paio de Sabugueira, situada na Lavacolla
No marco das actuacións que o Consorcio de Santiago leva a cabo no patrimonio do termo municipal, e moi estreitamente relacionado coa cidade histórica e os Camiños de Santiago, vaise intervir na igrexa de San Paio de Sabugueira, situada na Lavacolla. Os traballos, cuxo orzamento global ascende aos 18.554,44 euros, centraranse en particular na cuberta do templo e está previsto que rematen no prazo de dous meses.
ACCIÓN CULTURAL
Gallaecia Antiqva ofrece un programa entre o Barroco e o Clasicismo no Via Stellae
O cuarteto Gallaecia Antiqva chega ao programa do Via Stellae na xornada deste martes 7 de xullo. Co programa Despois de Bach… camiño do Clasicismo poderemos escoitalos a partir das 20:30 horas na igrexa de San Fiz de Solovio. As entradas para o concerto son de balde previa retirada de invitacións no despacho de billetes do Teatro Principal (aberto de 18:00 a 21:00 horas) e, de quedar algunha invitación, unha hora antes do comezo do concerto no propio lugar de celebración.
PLENO
Sen acordo no pleno de organización sobre o réxime de dedicacións exclusivas
Non houbo acordo entre os catro grupos municipais no Pleno de organización para a asignación das dedicacións exclusivas, tal como xa anunciara esta mañá o alcalde compostelán, Martiño Noriega, á saída da xunta de voceiros previa a esta sesión plenaria.
CONVIVENCIA
A Policía Local de Santiago súmase á campaña de vixilancia e control das condicións dos vehículos
Entre os días 6 e 12 de xullo, a Policía Local de Santiago adhírese á programación das campañas e operacións para o ano 2015 impulsadas pola Dirección Xeral de Tráfico levando a cabo nesta ocasión unha campaña de vixilancia e control das condicións dos vehículos.
ACCIÓN CULTURAL
Estevo Creus con Pablo Seoane, Pulsat Percussion Group e Diego Ares, novas propostas do Festival Via Stellae
A programación do Via Stellae para os próximos días ofrécenos dúas posibilidades o sábado e unha o luns arredor de diferentes tipos de música. A xornada do sábado comeza ás 20:00 horas no CGAC co poeta Estevo Creus e o pianista Pablo Seoane, dentro da sección Off#Stellae… improvisando!!, e remata ás 22:00 horas na Igrexa da Universidade cunha proposta da mesma sección pero co Pulsat Percussion Group. Xa o luns poderemos escoitar a Diego Ares, un talento galego ao clave, a partir das 20:30 horas no Paraninfo da...
XUNTA DE GOBERNO
O alcalde aposta por introducir a moratoria de licenzas e a limitación de usos na revisión do Plan Especial da Cidade Histórica
O alcalde compostelán e voceiro da Xunta de Goberno, Martiño Noriega, deu conta da addenda pola que se reaxustan as anualidades no financiamento da redacción da revisión do Plan Especial de Protección da Cidade Histórica. A propósito desta modificación, anunciou a intención de garantir na mesma a participación cidadá e de introducir criterios relacionados coas moratoria de licenzas para hoteis con encanto ou coa limitación de usos no casco histórico.
EDUCACIÓN E CIDADANÍA
O Concello destina 200.000 euros ao plan de obras de verán nos centros educativos
O concelleiro de Educación e Cidadanía, Manolo Dios, deu conta en rolda de prensa do plan de obras de verán na rede de centros de educación infantil e primaria de Santiago. A empresa adxudicataria do mantemento realizará traballos por importe de 200.000 euros en 24 equipamentos educativos.
DEPORTE
Santiago participará do 5 ao 10 de xullo nos XI Xogos do Eixo Atlántico
O Concello de Santiago participará nos XI Xogos do Eixo Atlántico, que se desenvolverán do 5 ao 10 de xullo nas cidades portuguesas de Porto, Vila Nova de Gaia e Matosinhos. A delegación compostelá está integrada por 58 persoas (47 competidores e 11 adestradores ou delegados), distribuídas nas especialidades de atletismo para discapacitados, baloncesto masculino e feminino, fútbol 7 masculino e natación masculina e feminina.