IGUALDADE, TURISMO E COMERCIO
Arranca unha nova edición de Compostela Diversa co fin de dar visibilidade á realidade LGTBI
Preto de 200 establecementos comerciais, hoteleiros e hostaleiros da cidade participan na campaña de difusión e visualización da realidade LGTBI no marco da iniciativa Compostela Diversa, que ofrece un ano máis amplo programa de actividades lúdicas e de reflexión. Varios puntos da cidade contarán con iluminación e decoración especiais desde 12 de xuño ata o 2 de xullo.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio pola muller asasinada en Cornellá de Llobregat (Barcelona), vítima de violencia machista.
XUNTA DE GOBERNO
Santiago recibirá 4,5 millóns de euros dos fondos Next Generation para axudas de eficiencia enerxética en vivendas sociais e da cidade histórica
A Xunta de Goberno tomou coñecemento dos acordos das comisións bilaterais do pasado 11 de maio, relativas á rehabilitación de vivendas en Santiago de Compostela. En concreto, deu conta dos programas de axudas de eficiencia enerxética para vivendas do "Plan de recuperación, transformación e resiliencia 2023-2025" do Ministerio de Transporte, Mobilidade e Axenda Urbana, financiado pola Unión Europea con cargo aos fondos Next Generation EU. Estímase que destas axudas poden beneficiarse 288 vivendas duns 70 edificios, entre...
POLÍTICAS SOCIAIS
Compostela acolle a segunda edición do Cumio Galego contra o Discurso de Odio
As xornadas, organizadas pola Coordinadora Galega de ONGD, celébranse o 15 e 16 de xuño co apoio do Concello de Santiago a través do proxecto Compostela+Solidaria. Neste Cumio participan profesionais dos colectivos maldita.es, La Intersección e AlgoRace, así como organizacións galegas e activistas do Sur Global.
ACCIÓN CULTURAL
O dúo Caamaño-Ameixeiras tócalle a Álvaro Cunqueiro na SELIC
O concerto, con lectura de textos do mindoniense, está organizado pola Fundación Carlos Casares, que trae tamén á SELIC a arte dos decimeiros con Kongo Kimbiza.
MEDIO RURAL
A Xunta de Goberno Local ten previsto aprobar este luns o proxecto de pavimentación de Bar de Arriba, Bar de Abaixo e da rúa dos Asidros
A Xunta de Goberno Local ten previsto aprobar este luns o proxecto construtivo da obra "Pavimentación dos lugares de Bar de Arriba e Bar de Abaixo e Rúa dos Asidros", que conta cun orzamento estimado de 212.718,39 euros. Esta actuación ten por obxecto o acondicionamento dos viarios interiores destes tres núcleos rurais, mediante actuacións de pavimentación e de mellora das redes de abastecemento e de drenaxe asociadas.
MEDIO RURAL
A Xunta de Goberno Local ten previsto aprobar o luns dous proxectos de obras na parroquia de Marrozos, cun investimento de 800.000 euros
A Xunta de Goberno Local ten previsto aprobar este luns dous proxectos construtivos na parroquia de Marrozos, que contan cun investimento estimado de 805.150 euros. Trátase da primeira fase da "Reforma do viario A Pajuela-Campo da festa de Marrozos"; e da segunda fase de "Ampliación da plataforma do viario entre Cañoteira e Outeiro de Marrozos". Os dous proxectos presentados pola concellaría de Medio Rural, están enmarcados no Plan de Obras e Servizos da Deputación da Coruña.
ACCIÓN CULTURAL
A poesía tomará o palco da SELIC este sábado
Aos versos de Urbano Lugrís e Anne Carson sumarase o concerto-recital de Olga Novo e Su Garrido Pombo para fechar o día.
SEGURIDADE CIDADÁ E MOBILIDADE
A Xunta Local de Seguridade aborda o dispositivo para o Festival "O Son do Camiño" a vindeira semana
O Pazo de Raxoi acolleu esta mañá a reunión da Xunta Local de Seguridade para coordinar o dispositivo con motivo da celebración do Son do Camiño, festival que se celebrará do 15 ao 17 de xuño en Santiago e ao que está previsto que acudan máis de 40.000 persoas cada día. As administracións implicadas actuarán de forma conxunta con medidas especias que se aplicarán tanto nos controis de acceso e no interior do recinto, como na propia cidade. Tamén se reforzarán os servizos ferroviarios e de...
ACCIÓN CULTURAL
O Concello de Santiago e a Deputación da Coruña asinan o convenio para financiar a programación do Auditorio de Galicia
A concelleira de Acción Cultural de Santiago de Compostela, Mercedes Rosón, e o deputado de Cultura, Xurxo Couto, asinaron esta mañá o convenio de colaboración entre ambas institucións para financiar parte do programa de actividades que o Auditorio de Galicia está a realizar durante o presente exercicio.