FESTAS
Volven as Festas do Apóstolo cunha programación "inclusiva e para todos os públicos" que chega a diversos espazos da cidade
A concelleira de Festas, Pilar Lueiro, presentou esta mañá o programa deste ano das Festas do Apóstolo que arrancará o vindeiro venres 19 de xullo co tradicional pregón a cargo dunha persoa vinculada a Compostela cuxo nome será anunciado este venres. Dakidarría, Femi Kuti & the positive force, Harlem Gospel Travelers, Maro, Mercedes Peón ou Antònia Font, son algúns dos artistas que encherán de boa música as prazas da cidade, nunhas festas nas que non faltará tampouco o folclore, orquestras, circo,...
CAPITAL CULTURAL
Resolta a convocatoria de proxectos de creación artística e comisariado para a Zona C
Nerea Cordeiro, Cillas Rodríguez e Ana Moure son as autoras das propostas seleccionadas na modalidade de creación artística. Na categoría de proxectos de comisariado, o mellor valorado foi o presentado por Sergio Meijide arredor da obra do coreógrafo e investigador Javier Martín.
IGUALDADE
Minuto de silencio pola última vítima mortal de violencia machista
A praza do Obradoiro acolleu este mediodía un minuto de silencio polas dúas mulleres asasinadas en Alicante e Málaga o pasado 5 de xullo, últimas vítimas de violencia de xénero.
MOBILIDADE
A Xunta de Goberno acorda prorrogar o convenio para darlle servizo de transporte urbano á urbanización dos Tilos
A Xunta de Goberno acordou remitir ao Pleno a aprobación da prórroga do convenio formalizado polos concellos de Santiago e Teo e pola Xunta de Galicia para a coordinación dos servizos de transporte público con orixe e destino na urbanización dos Tilos. O acordo manterase nos mesmos termos nos que foi aprobado en 2020, e estará vixente ata o 30 de setembro de 2028.
XUVENTUDE
Santiago Urban Fest: a música urbana chega á Praza Roxa da man dos Orzamentos Participativos de Xuventude
A praza Roxa será escenario o próximo 27 de xullo do Santiago Urban Fest, un festival pioneiro de música urbana que nace dos Orzamentos Participativos da área de Xuventude. A concelleira María Rozas presentou hoxe o programa, que se vai desenvolver en colaboración coa asociación Gallos del Norte. Preto dunha trintena de artistas participarán no SUF "mostrando o talento emerxente e diverso que temos en Galicia nun xénero musical que vai gañando adeptos e adeptas a nivel mundial".
CAPITAL CULTURAL
Chega a VI edición do Delas Fest, a cita coa arte urbana feminista
As artistas urbanas Paula Calavera, Rame13 e Priscila Barbosa serán as encargadas de realizar os tres novos murais do festival feminista de arte urbana contextual que, nesta edición, contará cun variado programa de actividades.
XUNTA DE GOBERNO
Unha nova sentenza pón o foco na lexitimidade do Concello a defender o dereito á vivenda e subliña a validez da declaración de ineficacia da comunicación previa para unha VUT
A concelleira de Capital Cultural, Turismo, Educación e Memoria Histórica e voceira do goberno de Santiago, Míriam Louzao, deu conta hoxe dunha nova sentenza que vén confirmar as decisións políticas en materia de vivenda. Desta volta, o fallo do Tribunal Superior de Xustiza de Galicia (TSXG) confirma o fallo do xulgado do contencioso-administrativo número 2 de Santiago, que xa en primeira instancia lle daba a razón ao Concello. En total, o Concello conta con oito sentezas favorables firmes e dúas setenzas favorables pendentes de...
CAPITAL CULTURAL
Ábrese o prazo de inscrición de curtametraxes no XXI Festival Internacional de Cinema Curtocircuíto
As propostas poderán concorrer ás seccións Cosmos, Supernova e Planeta GZ e deberán ser remitidas até o 20 de xullo a través da plataforma en liña shortfilmdepot.com
FESTAS
A cativada compostelá contará coa súa particular xornada de espectáculos e xogos na Festa Pícara do vindeiro 23 de xullo
O Parque Eugenio Granell acollerá o vindeiro 23 de xullo, unha xornada de divertimento dedicada especificamente á cativada de Compostela, a Festa Pícara. Trátase dunha xornada encadrada na programación das Festas do Apóstolo que contará con actividades variadas de teatro, música, títeres, obradoiros na lingua propia e poñendo en valor a cultura do país e achegando os pequenos e pequenas á lusofonía a través da música.
FESTAS
O ciclo "Cinema Compostela" traerá o último do audiovisiual galego ás rúas durante as Festas do Apóstolo
Desde o día 21 ata o 30 de xullo varios espazos da cidade acollerán un ciclo de cine ao aire libre, que proxectarán seis películas recentes do audiovisual galego para público infantil e adulto. Esta actividade foi presentada esta mañá pola concelleira de Festas, Pilar Lueiro, e o director e produtor de cine, Enrique Otero.