PERSOAL
O Concello de Santiago anuncia as propostas de nomeamento de persoal funcionario de carreira e de persoal laboral fixo dentro do proceso extraordinario de estabilización
As propostas de nomeamento iranse publicando na sede electrónica e no taboleiro de edictos do Concello, segundo indican as bases específicas das convocatorias. As persoas propostas dispoñen dun prazo de vinte días para a presentación da documentación acreditativa do cumprimento dos requisitos desde a publicación de dos acordos.
XUNTA DE GOBERNO
A Xunta de Goberno acorda solicitar á Deputación da Coruña case 125.000 euros do POS+ 24 para o financiamento de gastos sociais
A Xunta de Goberno aprobou hoxe solicitude dunha subvención á Deputación da Coruña de case 125.000 euros para o financiamento de diversos gastos sociais, no marco do Plan de Cooperación ás Obras de Servizos, POS+ 2024. Segundo a proposta da concellaría de Dereitos e Servizos Sociais, a maior parte da achega, 100.000 euros, sería para o Servizo Municipal de Atención ás Emerxencias Sociais.
TURISMO
Santiago presenta en FITUR a súa aposta por un modelo de turismo responsable e sostible
A alcaldesa de Santiago, Goretti Sanmartín, e a concelleira de Turismo, Míriam Louzao, participarán esta semana en FITUR co obxectivo de poñer en valor a aposta do Goberno municipal por un "turismo de calidade" que permita a "convivencia harmónica entre persoas residentes e visitantes". Ademais de encontros con profesionais do sector e a participación na Asemblea do Grupo Cidades Patrimonio da Humanidade e noutros eventos, a delegación compostelá presentará un vídeo sobre a campaña 'Santiago...
PARQUES E XARDÍNS
O barrio de Vista Alegre conta cun novo parque infantil con temática da natureza
O Concello de Santiago vén de abrir un novo parque infantil no barrio de Vista Alegre, en concreto no Avío de Abaixo, realizado con criterios de sustentabilidade e de accesibilidade nunha superficie de 240 m2 que acolle diversas zonas de xogo con temática da natureza.
LINGUA
Un total de 18 finalistas disputaranse os oito galardóns nos que se dividen os Premios Youtubeiras 2023 na gala de entrega que se celebrará en Santiago o 17 de febreiro
As finalistas ao premio canle son OU ké!, Cinema Caníbal e Toxío, mentres que ao galardón ao youtubeira do ano aspiran Pingando, Exército Mekemeke e Recuncho Gamer. As canles Toxío, Prado Rúa, Savia Nova, Recuncho Gamer, Fica coa bola e OU ké son as únicas que competirán en dúas categorías diferentes como finalistas. Nesta edición dos Premios Youtubeiras inscribíronse 68 canles, mentres que 24 vídeos foron propostos pola audiencia dixital para o Premio do Público. O conxunto de...
DEPORTES
O pavillón de Santa Isabel acolle este sábado a segunda xornada da Liga Galega de Karate coa participación de máis de 600 nenos e nenas
A concelleira de Deportes, Pilar Lueiro, acompañada do presidente da Federación Galega de Karate, Óscar de la Fuente, presentaron esta mañá a Liga Galega de Karate, cuxa segunda fase se desenvolverá no pavillón municipal de Santa Isabel este sábado, 20 de xaneiro. 617 nenos e nenas de entre 5 e 15 anos, pertencentes a 32 clubs de toda Galicia competirán polos títulos nas diferentes categorías.
TURISMO
O Entroido dos Xenerais da Ulla celebra a súa décima edición como Festa de Interese Turístico de Galicia
A Cidade da Cultura acolleu o acto de presentación do programa da Festa deste ano, que terá lugar do 20 de xaneiro ao 18 de febreiro.
ALCALDÍA
O Informe de Conxuntura Económica conclúe que a comarca de Santiago é unha das máis dinámicas da provincia
O documento publicado polo Club Financeiro de Santiago, que foi presentado esta mañá no Pazo de Raxoi, mostra unha mellora xeralizada dos principais indicadores económicos. Goretti Sanmartín salientou os bos datos do mercado de traballo en Santiago, que a converten na cidade galega con menor taxa de paro. A comarca gaña poboación e reforza o seu peso relativo en relación coa poboación da comunidade.
CAPITAL CULTURAL
O Auditorio de Galicia acolle a representación, por primeira vez en 65 anos, de ‘Miñatos de Vran’, zarzuela galega do mestre Vide e libreto de Otero Pedrayo
A peza, estreada na Habana 1928 e só representada de novo en 1959, chegará este domingo 21 de xaneiro ás 19.00 horas ao Auditorio de Galicia tras o seu paso polo Auditorio de Vilagarcía mañá venres. Nesta nova produción escenificada participan a Banda Municipal de Música de Santiago, o Coro da Asociación Liceo de Vilagarcía, Troyanos de Compostela e varias voces solistas. David Fiuza encárgase da dirección musical, mentres que José Álvarez é o director de escena e Josefa Dorado, directora...
LINGUA
Arranca unha nova edición do Club de Debate que contará coa participación de catro equipos composteláns
O Concello de Rois acolle a primeira xornada de formación en comunicación e documentación dirixida ao alumnado participante nesta iniciativa que este ano contará coa participación de catro equipos composteláns, todos eles do Colexio La Salle. O Club de Debate é unha actividade promovida polo Concello de Santiago xunto con outros dez municipios co obxectivo de favorecer o uso do galego oral entre a rapazada de 3º e 4º de ESO e 1º de bacharelato.