PLENO
O Pleno aproba a modificación puntual do PXOM no ámbito da estrada Vigo-Chouchiños
O Pleno do Concello de Santiago, que comezou cun minuto de silencio polas vítimas de violencia machista e polo funcionario municipal José Manuel Carpinteiro, aprobou por unanimidade de todos os grupos municipais a modificación puntual do PXOM no ámbito do SUD 9-10, estrada de Vigo-Chouchiños. Tamén se deu luz verde ao estudo de detalle da parcela B4b01c do parque empresarial da Sionlla.
MOCIDADE
A I edición do Festival Lanzadeira CX servirá de plataforma de lanzamento para grupos locais de música
A praza do 8 de Marzo acollerá este venres a partir das 18:00 horas o Festival Lanzadeira CX, no que sete grupos locais amosarán os coñecementos adquiridos grazas á formación recibida no marco do proxecto Lanzadeira, desenvolvido polo Concello de Santiago e o Centro Xove da Almáciga. O evento tamén contará coa actuación da banda Biribirlocke.
IGUALDADE
Minuto de silencio polas dúas últimas vítimas mortais de violencia machista
A praza do Obradoiro acolleu esta mañá un minuto de silencio polas mulleres asasinadas o pasado 28 de marzo en Málaga, e o 26 de setembro en Palencia, vítimas de violencia machista.
ACCIÓN CULTURAL
Curtocircuíto regresa do 1 ao 9 de outubro a Santiago con dúas sesións especiais adicadas a Todd Solondz e Eugenio Granell
Curtocircuíto inaugúrase este sábado 1 de outubro en Compostela cunha programación que combina a mellor selección de cine, concertos e shows A/V, ademais de actividades abertas público. As actividades paralelas comprenden mesas redondas, un laboratorio de desenvolvemento de proxectos audiovisuais e un comisariado de danza contemporánea liderado polo bailarín Richard Mascherin.
SMARTIAGO
Inaugúrase o terceiro piloto CromaLux, un proxecto innovador enmarcado en Smartiago que permite reducir nun terzo a colonización biolóxica nas áreas iluminadas
Onte pola noite inaugurouse o terceiro piloto CromaLux, no edificio que albergaba o antigo Concello de Santiago, na Praza de Cervantes. Antes, presentáronse os resultados acadados por este proxecto de iluminación intelixente, que ten como obxectivo diminuir a contaminación lumínica e reducir os gastos de conservación do patrimonio aplicando unha técnica que permite retardar a proliferación de microorganismos sobre as fachadas, o que evita o seu deterioro.
ALCALDÍA
O alcalde manterá un encontro coa veciñanza de Laraño o venres 30 e coa de Mallou o vindeiro martes 4
O alcalde de Santiago, Xosé Sánchez Bugallo, convoca a unha xuntanza a todos os veciños e veciñas de Laraño, Villestro e A Silvouta afectados polo paso dunha liña de alta tensión pola zona do Souto.
SMARTIAGO
Se inaugura el tercer piloto CromaLux, un proyecto innovador enmarcado en Smartiago que permite reducir en un tercio la colonización biológica en las áreas iluminadas
Ayer por la noche se inauguró el tercer piloto CromaLux, en el edificio que albergaba el antiguo Ayuntamiento de Santiago, en la Plaza de Cervantes. Antes, se presentaron los resultados alcanzados por este proyecto de iluminación inteligente, que tiene como objetivo disminuir la contaminación lumínica y reducir los gastos de conservación del patrimonio aplicando una técnica que permite retardar la proliferación de microorganismos sobre las fachadas, lo que evita su deterioro.
TURISMO
Comezan as probas de selección das tapas do XIV Santiago(é)tapas
O concelleiro de Turismo, Sindo Guinarte, e o presidente da Asociación Hostalaría Compostela, Thor Rodríguez, asistiron esta mañá na sede desta entidade ao arranque das probas de selección das tapas do XIV Santiago(é)Tapas. Todas as propostas deberán ser avaliadas por un xurado profesional antes de poder participar no concurso.
POLÍTICAS LINGÜÍSTICAS
Os Premios Youtubeiras abren hoxe o prazo de inscrición da súa sexta edición e desvelan a composición do xurado que decidirá en xaneiro as persoas gañadoras
Youtubeiras, proxecto organizado polos servizos de normalización lingüística de doce concellos, entre eles o de Santiago, das tres universidades galegas e da Deputación da Coruña co obxectivo de fomentar a creación no Youtube en galego con temáticas e formatos diversos, así como promover e visibilizar os diferentes perfís de persoas xeradoras de contidos na Rede, abre hoxe o prazo de inscrición para a sexta edición dos seus premios.
IGUALDADE
Minuto de silencio pola última vítima mortal de violencia machista
A praza do Obradoiro acolleu esta mañá un minuto de silencio pola muller asasinada na provincia de Alacante, vítima de violencia machista.