EDUCACIÓN
Este mércores ponse en marcha o servizo de comedores escolares
O Concello de Santiago de Compostela pon en marcha o mércores 11 de setembro de 2019 o servizo de comedores e madrugadores nos seguintes centros de ensino públicos: Apostólo Santiago, Quiroga Palacios, As Fontiñas, Roxos-Villestro, Vite, Mestre Rodríguez Xixirei (Lavacolla), Monte dos Postes, Raíña Fabiola e Ramón Cabanillas e, no caso do CEIP Arquitecto Casas Novoa, só o servizo de madrugadores.
ALCALDÍA
O alcalde recibiu unha delegación do Colexio Oficial de Químicos de Galicia
O alcalde de Santiago, Xosé Sánchez Bugallo, recibiu este luns no Pazo de Raxoi unha delegación do Colexio Oficial de Químicos de Galicia (Colquiga), encabezada polo seu decano-presidente, Manuel Rodríguez Méndez. Este informou ao rexedor dos detalles do XXV Encontro Galego-Portugués de Química, ao que acudirá o Nobel Tomas Lindhal.
ALCALDÍA
O alcalde aposta pola procura de consensos políticos, institucionais e cidadáns para os grandes retos da cidade
O alcalde de Santiago, Xosé Sánchez Bugallo, anunciou que o Goberno municipal xa comezou a traballar nas ordenanzas fiscais e nos orzamentos para 2020, coa previsión de "telos pechados en outubro". Agora, dixo, comeza unha etapa de "tramitación e negociación". Neste sentido, ten a intención de manter xuntanzas cos voceiros dos grupos municipais para "pulsar a marxe de colaboración".
ALCALDÍA
Encontro coa asociación Amigos da Cociña Galega
O alcalde de Santiago, Xosé Sánchez Bugallo, reuniuse este venres con integrantes da asociación Amigos da Cociña Galega (Amicogal), que lle presentaron o evento Gastronosa, unha feira gastronómica que se celebrará na cidade o 28 de outubro e que servirá para celebrar o 43 aniversario da entidade.
EDUCACIÓN
Publicada a relación de prazas vacantes na Escola Municipal de Música
Finalizado o período de matrícula dos admitidos e admitidas na 1ª convocatoria, e unha vez agotada a listaxe de agarda, a Concellaría de Educación vén de publicar as prazas que continúan vacantes nas diferentes especialidades da Escola Municipal de Música para o curso 2019-2020.
CONSORCIO
A Escola de Altos Estudos Musicais realizará novas probas este mes para cubrir varias prazas do Curso Avanzado de Especialización Orquestral
O Curso Avanzado de Especialización Orquestral impártese na Escola de Altos Estudos Musicais, en Santiago, e está recoñecido como título propio de posgrao pola Universidade de Santiago de Compostela. Diríxese a músicos/as instrumentistas con titulación superior que teñan como meta adquirir a formación e a experiencia necesarias para integrarse nunha orquestra profesional.
TURISMO
A AMCS presentará no último trimestre do ano un diagnóstico do trazado do Camiño para coñecer a súas deficiencias e emendalas con vistas ao ano 2021
O concelleiro de Presidencia, Relacións Institucionais e Turismo, Sindo Guinarte, participou este venres na reunión da Xunta Directiva da Asociación de Municipios do Camiño de Santiago (AMCS), que aglutina a 99 localidades xacobeas. O presidente e alcalde de León, José Antonio Díez Díaz, presidiu a cita dos trece municipios que a compoñen na monumental Estación Internacional de Canfranc (Huesca).
VIVENDA
En marcha a convocatoria de axudas para actuacións nos ámbitos das ARI do Casco Histórico, Vista Alegre, Vite e Pontepedriña
A concelleira de Urbanismo, Vivenda e Cidade Histórica, Mercedes Rosón, e o arquitecto responsable da Oficina de Rehabilitación e Vivenda, Javier Fernández, presentaron a convocatoria de axudas para a rehabilitación de edificios nas Áreas de Rehabilitación Integral do Concello: Casco Histórico, Vista Alegre, Pontepedriña e Vite. O prazo de solicitude estará aberto ata o 6 de outubro.
ALCALDÍA
Concello e Universidade afianzan a colaboración en materia investigadora
O alcalde de Santiago, Xosé Sánchez Bugallo, visitou o Centro Singular de Investigación en Tecnoloxías Intelixentes, CiTIUS, co seu director científico, Senén Barro, co que falou da aplicación das tecnoloxías intelixentes en proxectos de interese para a cidade e, máis en concreto, de programas en marcha como o Smartiago ou o Trafair.
MOBILIDADE
Este luns entran en vigor os horarios de inverno 2019-2020 no transporte urbano
O luns 9 de setembro entran en vigor os horarios de inverno no servizo de transporte urbano.