PROMOCIÓN ECONÓMICA
A Maker Faire Galicia pecha a súa sétima edición consolidándose coma un evento referente na innovación a nivel internacional
O pasado domingo rematou esta feira de innovación, de novo online, que multiplicou por catro o número de inscritos con respecto á edición anterior así coma o seu impacto a nivel global con referentes como Keisha Howard, César de la Fuente ou Valeria Corrales.
CENTROS SOCIOCULTURAIS
Publicadas as listaxes definitivas de admitidos no programa Mañás de Verán e de Xogo e nos obradoiros das escolas infantís
Hoxe publícase o listado de prazas adxudicadas e reservas para as actividades Mañás de Verán nos centros socioculturais urbanos e Mañás de Xogo nos centros socioculturais do rural, que terán lugar en xullo deste ano.
IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio pola muller asasinada onte en Pozuelo de Alarcón (Madrid), vítima da violencia machista.
ALCALDÍA
Recepción a unha patrulla do Aeródromo Militar de Santiago, que realizou parte do Camiño
O alcalde de Santiago, Xosé Sánchez Bugallo, recibiu hoxe na Praza do Obradoiro a unha patrulla do Aeródromo Militar de Santiago, formada por unha trintena de militares, que chegaron a través do Camiño de Santiago, coincidindo co Ano Santo.
TURISMO
Publicación de listaxes de solicitudes recibidas e requirimentos de subsanación da convocatoria de axudas á restauración, hospedaxe e turismo
Hoxe, día 8 de xuño de 2021, publícase a Resolución do concelleiro de Turismo relativa á publicación de listaxes de solicitudes recibidas e requirimentos de subsanación da "CONVOCATORIA DE AXUDAS PARA O RESCATE DA RESTAURACIÓN, HOSPEDAXE E TURISMO DO CONCELLO DE SANTIAGO DE COMPOSTELA AFECTADO POLA CRISE DA COVID-19. ANUALIDADE 2021".
TURISMO
Turismo de Santiago participa nun evento da Asociación Europea de Organizacións Turísticas
A entidade municipal de promoción turística reunirase con profesionais de mercados como Italia, Alemaña, Reino Unido, Irlanda, Estados Unidos e Canadá.
POLÍTICAS SOCIAIS
Mila Castro asiste á inauguración da mostra itinerante "As caras da meninxite"
A concelleira de Políticas Sociais e Saúde, Mila Castro, asistiu hoxe á inauguración da exposición itinerante "As caras da meninxite", que se pode visitar na sede da Fundación ABANCA, situada na Praza de Cervantes, ata mañá, 9 de xuño. O obxectivo desta mostra é concienciar sobre esta doenza que xera graves secuelas ás persoas afectadas, sobre os seus síntomas, e sobre a súa prevención.
XUNTA DE GOBERNO
A Xunta de Goberno Local dá luz verde á aprobación inicial do estudo de detalle da parcela na que se ubicará o novo edificio Biotech
A Xunta de Goberno Local deu hoxe luz verde á aprobación inicial do "Estudo de detalle da parcela EQ-2 do Parque empresarial da Sionlla", que se someterá a información pública durante o prazo dun mes. Segundo sinalou o alcalde, Xosé Sánchez Bugallo, é unha parcela moi extensa en tamaño e moi condicionada polos accesos, a orografía e a hidroloxía. Conta cunha superficie de 41.841 metros cadrados, e nunha parte dela, na parte dianteira, vaise ubicar o novo edificio Biotech.
XUNTA DE GOBERNO
O Concello abre un formulario de comunicación das cacharelas privadas
A Xunta de Goberno aprobou esta mañá as normas das cacharelas e sardiñadas privadas para San Xoán, que non poderán ocupar terreos nin espazos públicos. Por segundo ano consecutivo, e por mor das restricións impostas pola pandemia, só se poderán celebrar cacharelas privadas, que poderán solicitarse a través do enlace situado ao pé desta nova.
CIDADES PATRIMONIO
O Foro Cidades Patrimonio, Cidades de Cultura celébrase os días 14 e 15 de xuño en Alcalá de Henares
A cidade de Alcalá de Henares acolle o Foro Cidades Patrimonio, Cidades de Cultura, que se celebra os días 14 e 15 de xuño, no que participará a subdirectora do Auditorio de Galicia, Silva Modia. O presidente do Grupo de Cidades Patrimonio da Humanidade, Antonio Rodríguez Osuna, xunto co secretario xeral de Cultura do Ministerio de Cultura e Deporte, inauguran estas xornadas, que teñen como obxectivo abordar os grandes retos da cultura segura na etapa post Covid e que van contar con grandes expertos nacionais e internacionais. O Foro celébrase...