EDUCACIÓN E CIDADANÍA
Homenaxe ao profesorado xubilado neste ano 2019
O Pazo de Raxoi acolleu unha homenaxe aos/ás profesores/as dos centros de primaria e secundaria de Santiago de Compostela que se xubilan este ano. O alcalde de Santiago en funcións, Martiño Noriega, presidiu o acto, no que se entregou un agasallo a 15 mestres/as de 10 centros escolares.
CONSORCIO
A Real Filharmonía de Galicia ofrece un concerto este xoves no marco das Xornadas de Música Contemporánea
A Real Filharmonía de Galicia protagoniza un dos concertos das Xornadas de Música Contemporánea, organizadas polo Concello de Santiago, o Consorcio de Santiago, a Universidade de Santiago, o Centro Galego de Arte Contemporánea e a Deputación da Coruña. A cita será mañá xoves 13 de xuño, ás 20:30 horas, no Auditorio de Galicia, con entrada libre ata completar o aforo. A batuta levaraa o director titular e artístico da RFG, o mestre Paul Daniel.
PLENO
Celebrado o último Pleno da lexislatura 2015-2019
Este mércores celebrouse o último Pleno da Corporación da lexislatura 2015-2019. Foi unha sesión extraordinaria na que o único punto da orde do día foi a lectura de actas das sesións plenarias do 10 e 27 de abril. O Pleno serviu tamén de despedida para aqueles concelleiros e concelleiras que non repetirán na nova Corporación.
EDUCACIÓN E CIDADANÍA
Exposta a listaxe provisional de admitidos/as na Escola Municipal de Música para o curso 2019-2020
A Concellaría de Educación e Cidadanía comunica a exposición pública da listaxe provisional de admitidos/as na Escola Municipal de Música para o curso 2019-2020. Ábrese agora un período de reclamación de 10 días naturais, pasados os cales se establece un prazo de matrícula do 24 de xuño ao 5 de xullo.
ALCALDÍA E CENTROS CÍVICOS
O alcalde en funcións participou na entrega dos premios do concurso Selfie LIX de Galicia
O alcalde en funcións, Martiño Noriega, e a concelleira de Políticas Sociais e Centros Cívicos en funcións, Concha Fernández, participaron na entrega dos premios do concurso Selfie LIX de Galicia, convocado pola Asociación Galega do Libro Infantil e Xuvenil, o Consejo General del Libro, o Consell del Llibre Infantil i Juvenil e o Galtzagorri Elkartea, para conmemorar o Día Internacional do Libro Infantil. O acto celebrouse no Centro Cívico Aurelio Aguirre de Conxo.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu este mediodía un minuto de silencio para condenar os tres últimos asasinatos machistas, acontecidos nas últimas 48 horas en Alboraia (Valencia), Ayamonte (Huelva) e Aranjuez (Madrid).
CENTROS CÍVICOS
Arrinca a V Mostra de Teatro nos Centros Cívicos
O Teatro Principal acollerá entre os días 17 e 22 de xuño a V Mostra de Teatro dos Centros Cívicos, na que se van presentar un total de 15 montaxes. No certame participarán os clubs de teatro dos centros cívicos do Ensanche, O Romaño, Castiñeiriño, A Rocha, Santa Marta, Fontiñas e Conxo.
LINGUA
Xa hai gañadores da IV edición do Fotolingua, que se pechou con máis de 400 imaxes asociadas
A IV edición do concurso Fotolingua, que pretende darlle visibilidade ao uso do galego no ámbito comercial, pechouse con 441 imaxes asociadas ao cancelo #fotolingua. Delas, a que recibiu máis "gústame" do público, 180, foi a realizada por Raquel Pombar na escola Sondanza. Pola súa banda, a organización do certame decidiu premiar a Xaime Varela Siero, polo conxunto de imaxes que publicou no que reflicte a riqueza e variedade de establecementos que usan o galego en Compostela.
EDUCACIÓN E CIDADANÍA
Aberto o prazo de pago para o Programa Municipal de Conciliación de Verán
Unha vez aprobados pola Xunta de Goberno os prezos públicos do Programa Municipal de Conciliación Escolas de Verán 2019, a Concellaría de Educación e Cidadanía lembra ás familias que xa está aberto o prazo de pagamento.
POLÍTICAS SOCIAIS
Este venres chega ao Principal o espectáculo "Palabras que habitan corpos", dirixido por Leo Rodríguez e Carlota Pérez
Chega unha terceira edición do programa comunitario multidisciplinar Torre de Babel, que se vén celebrando no Concello de Santiago co apoio da área de Políticas Sociais. Desta vez, o Teatro Principal acollerá este venres, a partir das 20:30 horas, o espectáculo de danza Palabras que habitan corpos, dirixido por Leo Rodríguez e Carlota Pérez.