CONSORCIO
O Consorcio de Santiago saca axudas destinadas á adecuación dos locais comerciais da cidade histórica como apoio á recuperación económica trala COVID-19 por valor de 120.000 €
O Consorcio de Santiago vai destinar 120.000 euros á adecuación dos locais comerciais da cidade histórica compostelá como apoio á recuperación económica trala COVID-19. Os interesados en beneficiarse desta convocatoria de axudas deberán presentar as solicitudes e a documentación requirida no rexistro do Consorcio, situado no número 59 da Rúa do Vilar, ou en calquera outro rexistro. O prazo remata o vindeiro 28 de setembro.
XUNTA DE GOBERNO
O Concello aproba convenios con entidades sociais por máis de 200.000 euros
A Xunta de Goberno local, presidida polo alcalde de Santiago, Xosé Sánchez Bugallo, deu o visto bo á sinatura dos convenios con Cáritas, ASPAS, a Cociña Económica e a Fundación Secretariado Xitano por valor de 209.000 euros, entre outros asuntos, como a convalidación de gastos ou a solicitude dunha subvención para a biblioteca José Saramago.
ALCALDÍA
O Concello de Santiago lembra a figura e o legado de Isaac Díaz Pardo na celebración dos cen anos do seu nacemento
A alcaldesa en funcións, Mercedes Rosón, destaca a figura de Isaac Díaz Pardo cando se cumpren cen anos do seu nacemento (o 22 de agosto de 1920). Segundo a concelleira de Acción Cultural, "a súa idea de país abarcábao todo, dende a parte política, ata a cultura, industria, educación ou lingua. Soubo, como ninguén, describir e por en valor o espírito da galeguidade herdado das Irmandades da Fala". Engade que durante toda a súa vida, "mantivo acesa e compartiu a luz da liberdade", para que...
IGUALDADE
Minuto de silencio pola última vítima mortal da violencia machista
A praza do Obradoiro acolleu este mediodía un minuto de silencio pola muller agredida o pasado 22 de xullo e falecida onte en Cartagena (Murcia), vítima da violencia machista.
TURISMO
Máis de 400 turistas participaron xa nas visitas guiadas do programa Santiago Prémiate
Santiago Prémiate, froito da colaboración entre Turismo de Santiago e a Asociación Profesional de Guías de Turismo de Galicia, permite que as persoas que visitan Santiago poidan recibir como agasallo visitas guiadas pola cidade, cun prezo de venda ao público de 12 euros por persoa. A única condición para poder acceder a esta promoción é pasar un mínimo de tres noites nun hotel ou pensión da cidade.
ALCALDÍA
Un ano máis honrando a memoria de Ánxel Casal
A alcaldesa en funcións, Mercedes Rosón, participou este mércores na ofrenda floral a Ánxel Casal realizada polos concellos de Santiago e Teo con motivo do 84 aniversario do seu asasinato. Finalmente, os actos de homenaxe previstos tiveron que ser adiados por mor do mal tempo.
ACCIÓN CULTURAL
A MICE celebra a súa 15ª edición do 25 ao 29 de agosto cun formato que combina actividades presenciais e online
O 25 ao 29 de agosto celebrarase a 15ª edición da Mostra Internacional de Cinema Etnográfico (MICE), que contará cun formato mixto no que se combinarán as actividades online e presenciais. A Sección Oficial desta edición está composta por quince filmes, nos que destaca a presenza de obras europeas e asiáticas que pasaron por festivais como a Visions du Réel ou DocLisboa. Dez destes filmes terán na MICE a súa estrea española.
IGUALDADE
Minuto de silencio polas últimas vítimas mortais da violencia machista
A praza do Obradoiro acolleu este mediodía un minuto de silencio polas mulleres asasinadas en Corral-Rubio (Albacete), o 5 de agosto; Línea da Concepción (Cádiz), o 8 de agosto; e La Granja (Segovia), este pasado sábado; e polo menor asasinado este domingo en Cabanes (Castellón).
XUNTA DE GOBERNO
Novas tarifas para os estacionamentos de Belvís, Xoán XXIII e Salgueiriños
A Xunta de Goberno Local, na súa reunión ordinaria deste luns aprobou a revisión de tarifas dos aparcadoiros municipais xestionados pola empresa municipal TUSSA. Acordáronse subas nos prezos dos aparcadoiros de Belvís, Xoán XXIII e Salgueiriños, motivados polo incremento dos custos de persoal e dos gastos de explotación.
ALCALDÍA
Renovado o voto da cidade de Santiago a San Roque
A alcaldesa en funcións, Mercedes Rosón, presidiu o tradicional voto da cidade a San Roque. Outros/as integrantes da Corporación municipal asistiron a este acto, celebrado na capela de San Roque.