LINGUA
A programación infantil con Apego vístese de outono
O alcalde presentou hoxe a programación infantil con Apego para o outono. Martiño Noriega lembrou que "é o terceiro trimestre consecutivo no que o Concello de Santiago unifica toda a súa programación infantil, utilizando o idioma como elemento de conexión".
COMERCIO
O programa "Comercios emblemáticos" buscará o recoñecemento a negocios cunha especial traxectoria
A concelleira de Igualdade, Desenvolvemento Económico e Turismo, Marta Lois, presentou un novo programa desenvolvido dende o Departamento de Comercio que ten como finalidade recoñecer a traxectoria de negocios emblemáticos da cidade. Por iso a iniciativa leva por nome Comercios emblemáticos.
CONSORCIO
A Real Filharmonía de Galicia inicia a súa tempada coa estrea da obra "Pasaxes" do compositor galego Fernando Buide
A Real Filharmonía de Galicia celebra esta semana dous concertos na súa sede, o Auditorio de Galicia. O primeiro será este xoves, 13 de outubro, co que arrinca a súa tempada, ás 20:30 horas. O venres, ás 18:30 horas, parte do concerto repetirase para o público máis novo e para as familias, no marco do ciclo Descobre unha orquestra para ti, a túa!, que busca achegar a RFG e a música clásica a novos públicos. Neste caso as entradas custan 5 euros e cada menor de 14 anos recibirá dúas...
MEDIO AMBIENTE
O IDAE rectifica e Santiago optará a 1,5 millóns de euros para renovar o alumeado
O Consello de Administración do Instituto para la Diversificación y Ahorro de la Energía (IDAE) vén de estimar a reclamación presentada o pasado mes de xullo polo Concello compostelán contra a denegación da solicitude dun préstamo reembolsable para renovar o alumeado público por ter incluído un documento en galego. O alcalde, Martiño Noriega deu conta da notificación recibida hoxe, que permite que Santiago volva optar a recibir un préstamo de case 1,5 millóns de euros para actuar en 2.500 puntos...
ACCIÓN CULTURAL
"semente. 15 anos apoiando a arte emerxente", nova exposición no Auditorio de Galicia
O Auditorio de Galicia inaugura mañá martes, 11 de outubro, unha nova mostra na sala Isaac Díaz Pardo. Trátase de semente. 15 anos apoiando a arte emerxente, un proxecto no que os comisarios Ángel Cerviño e Alberto González-Alegre fan unha selección de obras cuxos autores tiveron traballos seleccionados nos Premios Auditorio de Galicia para Novos Artistas.
ACCIÓN CULTURAL
Pablo Fidalgo Lareo presenta "Habrás de ir a la guerra que empieza hoy" dentro do ciclo de Teatro & Danza
"Ao meu querido irmán Manolo, coa añoranza dos anos e a distancia". Esta dedicatoria nun manual de origami que Pablo Fidalgo Lareo atopa nun andel da súa casa é o inicio de Habrás de ir a la guerra que empieza hoy. Poderemos vela mañá martes 11 de outubro, ás 20:00 horas, na Sala Agustín Magán, no CSC de Santa Marta. Poden mercarse as entradas na billeteira do Teatro Principal no seu horario habitual e no propio centro sociocultural dende unha hora antes de que inicie o espectáculo a un prezo de 10...
XUNTA DE GOBERNO
Adxudicado o gran contrato de mantemento
A Xunta de Goberno adxudicou hoxe o gran contrato de mantemento, que permitirá "darlle estabilidade ás obras de conservación e reparación de pavimentos, e actuar de maneira case instantánea cando se detecte algunha deficiencia". O alcalde, Martiño Noriega, deu conta do acordo, que suporá un investimento anual de 1,2 millóns de euros e que "evitará ter que írmonos a continuas licitacións, que atrasan actuacións importantes".
EDUCACIÓN E CIDADANÍA
Homenaxe ao químico Ignacio Ribas Marqués no Día da Ciencia en Galicia
O concelleiro de Educación e Cidadanía, Manuel Dios, asistiu no Parque das Ciencias "Isido Parga Pondal" (San Roque) ao acto de colocación dunha placa na honra de Ignacio Ribas Marqués, químico orgánico, con motivo do Día da Ciencia en Galicia. O acto foi organizado pola Real Academia Galega de Ciencias en colaboración co Departamento municipal.
ACCIÓN CULTURAL
Abel Ferrara deixa a súa pegada en Curtocircuíto
Abel Ferrara é un dos convidados de excepción desta edición do Festival Internacional de Cine Curtocircuíto, a onde chega en calidade de programador. No festival tamén se poderán ver algunhas das curtas filmadas polo director norteamericano.
IGUALDADE
Remata o programa "Unha enxeñeira ou científica en cada cole"
Seis colexios de Compostela participaron estas últimas semanas no programa Unha enxeñeira ou científica en cada cole, organizada pola Oficina de Igualdade de Xénero da USC e o Concello de Santiago a través do Departamento de Igualdade.