Noticias

Santiago é un concello seguro, no que nos últimos dous meses se constata unha diminución na maioría de delitos denunciados. Así o destacaron o alcalde, Xosé Sánchez Bugallo, e a subdelegada do Goberno na Coruña, Pilar López-Riobóo, despois de presidir a Xunta Local de Seguridade con motivo das festas do Apóstolo.

Os días 10 e 11 de xullo, Zaragoza Activa acolle o primeiro Campus da Rede de Entidades de Desenvolvemento Local (REDEL), un evento no que participan preto de 70 profesionais e responsables políticos do desenvolvemento local de 27 cidades e rexións de España. O Concello de Santiago está representado no evento.

Dende este luns e ata o 15 de xullo está aberto prazo de reserva dos obradoiros para o curso 2019-2020 nas escolas infantís municipais de Conxo, As Fontiñas e Meixonfrío-Salgueiriños. As solicitudes de novo ingreso poderán presentarse do 17 ao 24 de xullo.

O Centro de Interpretación dos Parques e Xardíns de Compostela (CIPX) acolle durante o verán unha serie de actividades dirixidas a todo tipo de público e idades, de luns a venres a partir das 11:00 horas.

A concelleira de Educación, Noa Díaz, visitou esta mañá no CEIP Monte dos Postes os/as participantes no Programa Municipal de Conciliación "Escolas de Verán 2019". Son un total de 215 nenos e nenas, repartidos entre este centro e o CEIP Vite I. Díaz sinalou que "é importante que o Concello favoreza actividades de este tipo porque axudan na conciliación laboral, persoal e familiar".

O Día do Traxe Galego alcanzará a súa edición número 40 nestas festas do Apóstolo 2019. Con tal motivo, a Asociación do Traxe Galego preparou unha edición moi especial, que se celebrará o vindeiro 20 de xullo, data na que non faltará o tradicional certame e o desfile polas rúas de Compostela.

A praza do Obradoiro acolleu este mediodía un minuto de silencio para condenar o último asasinato machista, acontecido este luns en Salas de los Infantes (Burgos).

O Consorcio de Santiago deseñou o proxecto Imaxinando Compostela, unha serie de exposicións que se desenvolverán en diversos puntos da cidade no período 2019-2021 e vinculadas ao Xacobeo 2021. Esta proposta cultural tomará forma tanto en espazos interiores como exteriores emblemáticos da cidade, respondendo á función social da arte.

A Xunta de Goberno Local, na súa sesión ordinaria deste luns, acordou a aceptación dunha subvención complementaria para o obradoiro de emprego CREAS, actualmente en marcha. Do mesmo xeito, aprobou a convocatoria de axudas para incentivar a contratación dos alumnos/as deste curso unha vez remate.

A colaboración entre o Concello e a Xunta de Galicia na organización do vindeiro Ano Santo ou a política industrial foron os algúns dos asuntos tratados hoxe na entrevista que mantiveron o alcalde de Santiago de Compostela, Xosé Sánchez Bugallo, e o presidente da Xunta, Alberto Núñez Feijóo. O titular da Xunta comprometeuse a que no ano 2021 estarían rematadas a intermodal, a Cidade da Xustiza, as obras de rehabilitación da Catedral, as infraestruturas da Cidade da Cultura e a integración paisaxística...