CULTURA
"Ars Combinatoria", de Chema Madoz, nova exposición do Auditorio de Galicia
Ars Combinatoria, de Chema Madoz, é a nova exposición que acolle o Auditorio de Galicia dende o 14 de marzo e que permanecerá aberta ata o 24 de xuño.
OBRAS E INFRAESTRUTURAS
O Concello devolve unha liquidación da segunda fase das obras de reforzo do firme pola súa execución sen soporte contractual
A concelleira de Obras e Infraestruturas, María Castelao, anunciou que a Intervención municipal procederá á devolución dunha liquidación de 135.726 euros presentada pola adxudicataria da segunda fase do contrato das obras de reforzo do firme en 2010 por obras realizadas a maiores dese contrato. Segundo explicou, o Concello non pode facer fronte ao pago dunhas obras feitas sen os trámites de contratación e intervención legalmente obrigatorios.
DEPORTES
Xuventude incorpora un Curso de Monitor de Tempo Libre á súa oferta formativa
O concelleiro de Xuventude, Adrián Varela, presentou novas propostas formativas para os vindeiros meses. Entre elas destaca un curso de monitor de tempo libre, pero tamén se impartirá formación en materias como o coaching laboral, a fotografía, o cómic ou as curtametraxes.
CULTURA
"Hamlet. A work in progress sobre o orixinal de William Shakespeare", próxima obra de investigación teatral na Zona "C"
O concelleiro de Cultura, Ángel Currás; o director-xerente do Auditorio de Galicia, José Víctor Carou; Jorge Rey e Alfredo Padilla presentaron Hamlet. A work in progress sobre o orixinal de William Shakespeare, a estrea absoluta que será a próxima obra teatral da Zona "C". As sesións, 15, serán do 16 de marzo ao 8 de abril e desenvolveranse en tres linguas: galego, español e inglés.
ALCALDÍA
O alcalde expresa o "orgullo" da cidade polo papel do Autos Lobelle na Copa de España
Tan só unha semanas despois de ter pasado por Raxoi polo seu triunfo na Copa Xunta, o Autos Lobelle de Santiago FS foi de novo recibido polo alcalde compostelán, Xerardo Conde Roa. Esta vez, o club non puido levar o título da Copa de España, pero si realizou un gran papel, chegando á final ante o FC Barcelona.
CULTURA
O ciclo Íntimo & Acústico trae a Simon Finn, Daniel Higgs e a gala "Palabra de Muller"
Aline Frazao inaugurou en febreiro o novo ciclo Íntimo&Acústico. Agora, continuamos coas propostas deste ciclo que promete grandes citas musicais na nosa cidade. Este mes de marzo teremos a Simon Finn, Palabra de Muller e Daniel Higgs.
XUNTA DE GOBERNO
O Concello favorecerá a inserción laboral dos composteláns nas seleccións de persoal das empresas de nova implantación na cidade
A Xunta de Goberno, na súa sesión ordinaria, adxudicou do estudo denominado Marco conceptual para o desenvolvemento de políticas de atracción e promoción da implantación de novas empresas e a creación de emprego. Ademais, contratouse unha asesoría técnica que colaborará na posta en marcha dos programas deportivos municipais e designouse o xurado do Premio Internacional Compostela de Álbums Ilustrados.
ALCALDÍA
Unha Comisión de Coordinación Policial elaborará o Plan Local de Seguridade e o Plan de Seguridade Viaria
A Xunta Local de Seguridade quedou constituída en Raxoi nunha reunión presidida polo alcalde compostelán, Xerardo Conde Roa, e polo subdelegado do Goberno, Jorge Atán Castro. Na sesión aprobouse a constitución dunha Comisión de Coordinación Policial que se encargará de elaborar o Plan Local de Seguridade e o Plan de Seguridade Viaria.
EDUCACIÓN
Pais e fillos compartiron un didáctico conto musical na Galería Sargadelos
A Galería Sargadelos acolleu o primeiro dos concertos dirixidos as familias compostelás que o Departamento de Educación organizou, nesta ocasión, a través da Escola Municipal de Música. Numerosas familias sumáronse a este concerto.
PERSOAL
O Concello aforrou máis de 200.000 euros en horas extras de Policía Local e Bombeiros no segundo semestre de 2011
A concelleira de Persoal, Amelia González, ofreceu en rolda de prensa algúns datos sobre o aforro producido nos últimos meses en horas extras da Policía Local e dos Bombeiros e tamén do Parque Móbil municipal. Segundo indicou, estes aforros son consecuencia dunha "mellor reorganización" e realizáronse "sen merma para o funcionamento dos servizos".