Noticias

A concelleira de Políticas Sociais, Mila Castro, asistiu no Centro Abanca Obra Social á inauguración da exposición Eu, muller. Ti, cómplice. Elas, loitadoras, organizada por Fademga Plena Inclusión Galicia, que pode verse hoxe venres e mañá sábado. No marco da inauguración desta exposición, leuse un manifesto con motivo do Día da Muller, seguido dunha mesa de experiencias.

O Consorcio de Santiago rematou as obras de mantemento da igrexa de San Caetano, por un importe global de 19.758,63 euros. O responsable deste proxecto é o arquitecto da Oficina Técnica do Consorcio Pablo Tomé. Explica que "o problema fundamental da capela era o relativo á súa imaxe exterior. Podíase apreciar certa deterioración da pintura e da pedra nas catro fachadas, fundamentalmente nos muros que sobresaen do tellado para formar o cruceiro do corpo central do inmoble".

O dúo As Bífidas, formado por Lidia Luna e Cris de Caldas, será o protagonista da segunda sesión de "Quentando motores para Atlántica", un evento que serve de prólogo para a oitava edición do Festival de Narración Oral que comeza oficialmente o vindeiro mércores, 11 de marzo. Este espectáculo, dirixido ao público adulto, vaise desenvolver no local Modus Vivendi a partir das 21:00 horas e a entrada terá un custo de cinco euros.

O alcalde de Santiago, Xosé Sánchez Bugallo, mantivo esta mañá en Madrid tres xuntanzas ministeriais, unha coa ministra de Industria, Reyes Maroto; outra co titular de Cultura, José Manuel Rodríguez Uribes; e unha terceira coa subsecretaria de Facenda, María del Pilar Paneque. Nestas reunións, o rexedor estivo acompañado polo edil de Presidencia, Relacións Institucionais e Turismo e Delegado do Ano Santo 2021, Sindo Guinarte, e pola concelleira de Urbanismo, Vivenda, Cidade Histórica e Acción Cultural,...

O concelleiro de Mobilidade, Gonzalo Muíños, acompañado do xerente de Tussa, José Ramón Mosquera, asistiron este xoves ao encontro "As precursoras", organizado por La Voz de Galicia, no que se presentou unha reedición do libro de Rosalía de Castro Follas novas, que se repartirá entre os usuarios do transporte público de Santiago durante a vindeira semana, no marco da conmemoración do Día Internacional das Mulleres. O acto celebrouse nas instalacións centrais de La Voz de Galicia no...

Este xoves presentouse en Salamanca o III Circuíto de Carreiras Cidades Patrimonio da Humanidade, actividade que organiza o Grupo de Cidades Patrimonio da Humanidade de España, en colaboración con EDP e Paradores. As carreiras que integran este calendario atlético terán lugar ao longo de 2020 e transcorrerán total ou parcialmente na zona patrimonial de cada unha das 15 españolas rexistradas na Lista do Patrimonio Mundial da UNESCO. O Circuíto chegará a Compostela o sábado 2 de maio, coa celebración da proba...

O programa da Concellaría de Igualdade Artellando feminismo para este 8M, dentro de Compostela, Territorio das Mulleres, comeza mañá xoves, ás 19:30 horas, na Casa das Mulleres Xohana Torres. Cristina López, autora de Pioneiras do deporte en Galicia, Clara Cordeiro, especializada en arte e xénero, e a escritora Antía Yáñez participarán, dende as súas experiencias vitais e profesionais, nunha conversa que xirará ao redor dos obstáculos das mulleres á hora de acceder á vida...

Este martes comezou o 10º Ciclo de Sesións Didácticas, que organiza a Escola Municipal de Música e o Departamento de Educación do Concello de Santiago. Leva por título "Quen é quen: os instrumentos que viven na EMM" e está destinado ao alumnado do primeiro ciclo de Primaria.

A concelleira de Mocidade, Noa Díaz, presentou a exposición fotográfica "Desenfoque climático, o cambio a través dos elementos naturais", organizada por alumnado do CPR O Raio Verde. A mostra, saída dun certame fotográfico en torno aos efectos do cambio climático na natureza e na sociedade, estará na sede da Fundación SGAE dende mañá xoves, ás 18:30 horas, ata o 12 de marzo. Logo pasará por diferentes centros socioculturais.

Central acolle dende mañá xoves ao domingo 8 de marzo a sexta edición da Feira de Minerais de Santiago, unha ocasión para desfrutar dunha feira comercial con máis de 30 expositores de varios puntos de Europa con minerais, xemas e fósiles de lugares tan diferentes como Galicia e Portugal, Paquistán ou Namibia. A feira complétase con talleres de bateo de ouro, de identificación de minerais, de fósiles e de xemoloxía; un expositor de libros temáticos e charlas de especialistas na materia. Consolidada xa como a...