Noticias

O alcalde de Santiago, Xosé Sánchez Bugallo, inaugurou este xoves na Alameda a exposición de vehículos a gas natural comprimido, organizada pola empresa Nedgia, dentro das actividades programadas polo Concello de Santiago con motivo da Semana Europea da Mobilidade. No acto tamén participaron os concelleiros de Mobilidade, Gonzalo Muíños, e de Medio Ambiente, Mila Castro.

Esta tarde reuniuse no Pazo de Raxoi a comisión de coordinación Concello-Universidade. No encontro participaron os concelleiros de Urbanismo e Acción Cultural, Mercedes Rosón; de Relacións Institucionais e Turismo, Sindo Guinarte; de Mobilidade e Seguridade Cidadá, Gonzalo Muíños; e de Barrios e Obras, Javier Fernández. Por parte da USC estaba o xerente, Xabier Ferreira, e dous representantes universitarios.

Neste novo curso académico 2019-2020, o Centro de Información Municipal de Parques e Xardíns (CIPX) do parque de Belvís, en colaboración co Departamento de Parques e Xardíns do Concello de Santiago de Compostela e Ferrovial Servicios, continúa a desenvolver o seu programa de sensibilización ambiental cunha oferta de actividades para os centros educativos composteláns.

Só un día despois de saír ao Obradoiro para mostrar a repulsa aos tres asasinatos machistas de Valga, a praza volveu acoller un minuto de silencio, desta vez para condenar o asasinato este martes dunha muller en Madrid. Segundo as estatísticas oficiais, esta é a víctima mortal número 42 da violencia machista en 2019, e a 1.016 dende que comezaran os rexistros estatísticos en 2003.

A concelleira de Educación, Noa Díaz, presentou en rolda de prensa a campaña A Tribo, unha intervención integral que pretende fortalecer as capacidades dos mozos e mozas en risco de exclusión, tanto dende o ámbito educativo como psicosocial. Baixo o lema "De maior quero ser coma ti", a campaña está promovida pola Asociación Galega de Reporteiros Solidarios (Agareso), e o Instituto Galego de Xestión para o Terceiro Sector (Igaxes), coa colaboración da Obra Social "la Caixa".

O alcalde de Santiago, Xosé Sánchez Bugallo, e o concelleiro de Mobilidade e Seguridade Cidadá, Gonzalo Muíños, saudaron os 50 nenos e nenas do CEIP López Ferreiro que participaron durante a mañá deste mércores na xincana organizada con motivo da Semana Europea da Mobilidade.

A concelleira de Políticas Sociais e Saúde, Mila Castro; e os portavoces de PP, Alejandro Sánchez-Brunete; de Compostela Aberta, Martiño Noriega; e do BNG, Goretti Sanmartín, recibiron na praza do Obradoiro a Bernardo Cortés, funcionario do Concello de Nerja, en Málaga. Acaba de percorrer o Camiño de Santiago en bicicleta, nun reto solidario co cal xa leva recadados 30.000 euros para a Asociación Española contra o Cancro (AECC).

O alcalde, Xosé Sánchez Bugallo, reuniuse esta mañá co presidente do Padroado do Museo do Pobo Galego, Xusto Beramendi, nun acto no que tamén estivo presente o Consello Reitor da entidade. Ao rematar o encontro, o rexedor indicou que "está previsto que este mesmo mes empecen as obras de ampliación e renovación do espazo museístico, unha vez peche a actual exposición e queden dispoñibles as salas". Afirmou que ten pendente un encontro co conselleiro de Cultura para "complementalo co proxecto...

O alcalde de Santiago, Xosé Sánchez Bugallo, e o concelleiro de Turismo, Sindo Guinarte, reuníronse este mércores con Xosé Antón Rodríguez e Fidel Martínez, profesores de Economía Cuantitativa e de Economía Aplicada, respectivamente, na USC.

O alcalde de Santiago, Xosé Sánchez Bugallo, reuniuse este mércores co director de Cáritas Diocesana-Santiago, José Anuncio Mouriño, e co seu delegado episcopal, Jesús García.