Noticias

Os IV Premios Santiago Deporte terá a súa gala o vindeiro mércores, 19 de febreiro. Na cerimonia, que comezará ás 20:00 horas, entregaranse os galardóns das 12 categorías desta edición, catro máis que na anterior, e a mención especial.

Vénse de constituír a Comisión de xestión ordinaria do Concello de Santiago de Compostela, nunha reunión que estivo presidida polo alcalde, Xosé Sánchez Bugallo. Reunirase cada quince días, e intégrana varios membros do grupo de Goberno; técnicos de distintos departamentos, como Disciplina Urbanística, Policía Local ou Parques e Xardíns; e representantes das empresas municipais ou concesionarias de servizos, como Tussa, Ferrovial, Viaqua ou Urbaser.

Esta semana comezaron en Figueiras as sesións de Desveladas, o novo ciclo de obradoiros para a transformación das mulleres do rural. Ao primeiro dos talleres asistiu a concelleira de Igualdade, Noa Díaz, que conversou coas asistentes sobre as razóns que as levaron a participar por segundo ano nesta iniciativa.

A Concellaría de Mobilidade e Seguridade Cidadá informa do peche do prazo, o vindeiro sábado 15 de febreiro, para o abono da taxa anual correspondente ao ano 2020 das tarxetas de residente por razón de municipio.

O alcalde de Santiago, Xosé Sánchez Bugallo, reuniuse cunha delegación da Plataforma polo Emprego, encabezada polo seu presidente, Miguel Fernández. Na xuntanza tamén participou o técnico municipal responsable da área de Emprego, Xavier Ferreiro.

Dende hoxe e ata o próximo 18 de febreiro, Compostela acolle a II edición do Maxistral Cidade de Compostela, un torneo que pretende impulsar os/as máis prometedores/as xogadores/as galegos/as e darlles a oportunidade de alcanzar os títulos de Mestre Internacional e Gran Mestre internacional, enfrontándoos a prestixiosos xadrecistas. As partidas desenvolveranse todas as tardes, a partir das 17:00 horas, no Hotel Hesperia Peregrino.

O concelleiro de Turismo, Sindo Guinarte, asistiu hoxe no CGAC á presentación de Kino Galicia 2020, II Maratón Internacional de Creación de Curtametraxes. Ata o 18 de febreiro, o Centro Galego de Arte Contemporánea acollerá a segunda edición desta cita anual, que forma parte dun movemento presente en máis de oitenta cidades dos cinco continentes.

Este martes celebrouse un novo encontro da Comisión de Traballo de Educación, Cultura e Deporte do Grupo de Cidades Patrimonio da Humanidade de España, no que se aprobou o novo calendario de eventos para este ano 2020. Entre estes destaca a III edición da Noite do Patrimonio, que se celebrará de forma simultánea nas 15 cidades do grupo o 12 de setembro; o III Circuíto de Carreiras Cidades Patrimonio, o VII Ciclo de Música de Cámara e a VII edición do programa Aula de Patrimonio,...

O alcalde de Santiago, Xosé Sánchez Bugallo; o concelleiro de Seguridade Cidadá, Gonzalo Muíños; e o xefe dos Bombeiros de Santiago, Manuel Sanmartín, presentaron na praza do Obradoiro os dous novos vehículos adquiridos para o Servizo de Extinción de Incendios. Son un todoterreo e unha furgoneta que facilitarán unha rápida e primeira intervención en determinadas emerxencias.

A praza do Obradoiro acolleu este mediodía un minuto de silencio para condenar os últimos asasinatos machistas, acontecidos esta fin de semana en Lugo e en Granada.