Noticias

A XX edición dos Premios Manuel Beiras xa teñen gañadores: Strelia Electrotecnia, Numax e a Agrupación Folclórica Cantigas e Agarimos, tal como se anunciou nunha rolda de prensa na que participaron Noa Díaz, concelleira de Políticas Lingüísticas, e Xavier Freire, vogal do Pleno da Cámara de Comercio. Os galardóns foron entregados nunha gala celebrada no Teatro Principal e presidida polo alcalde, Xosé Sánchez Bugallo, e polo presidente da Cámara de Comercio, José Sierra.

A Xunta de Goberno, na súa sesión ordinaria deste luns, aprobou as bases dos Premios Santiago Deporte 2019, que se entregarán nunha gala no primeiro trimestre de 2020. Entre outros asuntos, dos que dou conta o alcalde, Xosé Sánchez Bugallo, en rolda de prensa, tamén se ratificaron as xustificacións de varios convenios asinados durante este exercicio e unha intervención nun muro da rúa da Divina Pastora.

O Departamento de centros socioculturais informa que desde mañá martes 17 e ata o sábado 28 de decembro estará aberto o prazo de apuntamento para cubrir as prazas vacantes nas actividades regulares e participar nas novas previstas para o período comprendido entre xaneiro e xuño de 2020.

Durante a pasada semana, do 9 ao 15 de decembro, a Policía Local adheriuse á campaña de vixilancia e control da taxa de alcohol e outras drogas promovida pola Dirección Xeral de Tráfico (DXT). Os/as axentes realizaron 834 probas, cun resultado final de 16 positivos.

A Real Filharmonía de Galicia ofrece esta semana dous concertos. O primeiro será o xoves 19 na súa sede, o compostelán Auditorio de Galicia, ás 20:30 horas. O venres 20, a orquestra desprazarase a Ferrol, onde tocará no Auditorio da cidade (tamén ás 20:30 horas), no marco da colaboración que a RFG mantén coa Sociedade Filharmónica Ferrolá.

O Consorcio de Santiago celebrou esta mañá a súa Comisión Executiva e Consello de Administración. Ámbalas xuntanzas estiveron presididas polo alcalde da cidade e presidente do organismo interadministrativo, Xosé A. Sánchez Bugallo. Tamén participaron, entre outros, os dous vicepresidentes do organismo: a subsecretaria do Ministerio de Facenda, Pilar Paneque Sosa, e o conselleiro de Cultura e Turismo, Román Rodríguez González. Deuse a benvida ao novo interventor do Consorcio de Santiago, Juan Ramón...

Dende a mañá de hoxe venres está aberta a inscrición para unha nova edición da San Silvestre, a carreira coa que se despedirá deportivamente o 2019. Agárdase a participación de máis de 2.000 persoas nunha proba, xa consolidada no calendario atlético galego, convertida nun modo saudable e tamén festivo de pechar o ano.

No Pleno o vindeiro xoves, 19 de decembro, votarase a aprobación dunha moratoria na concesión de autorizacións para pisos de uso turístico, tal como explicou esta mañá o alcalde de Santiago, Xosé Sánchez Bugallo, na súa habitual rolda de prensa dos venres. Esta é unha medida cautelar mentres se tramita unha modificación do Plan Xeral de Ordenación Municipal (PXOM) para regular esta materia.

O legado do pintor Carlos Maside foi adquirido polo Consorcio de Santiago en 2018, por un importe global de 430.717 euros, o 50% do cal financiouno o organismo interadministrativo e a parte restante a Deputación da Coruña. O acordo entre ámbalas dúas institucións permite que as obras, ata entón en mans da familia, permanezan en Compostela, cumprindo así o desexo do artista.

O sábado 28 de decembro, o Auditorio de Galicia acollerá a terceira edición da Festa do Apego, unha feira de contos, música, xogos, información e propostas para a crianza na que nenas e nenos poderán gozar e socializar en galego durante todo o día. A Concellaría de Políticas Lingüísticas quere así agasallar a esas familias apegueiras que quedan en Santiago entre o Nadal e o Aninovo e tamén a quen se queira achegar.