Noticias

O Consorcio de Santiago participa no proxecto europeo "AtlaS-WH", do programa Interreg Atlantic Area do Fondo Europeo de Desenvolvemento Rexional. Céntrase na xestión sostible das Cidades Patrimonio da Humanidade incluídas na Área Atlántica. Nesta iniciativa, liderada pola cidade portuguesa de Porto, participan tamén como socios as cidades de Santiago, Burdeos e Edimburgo, aos que acompaña ademais Florencia pola súa experiencia na xestión de sitios Patrimonio Mundial.

Compostela Monumental e o Judo Club Compostela organizaron unha Curso de Defensa Persoal para Mulleres, no marco dos actos con motivo do Día Internacional contra a Violencia de Xénero.

O salón nobre do Concello acolleu a cerimonia de entrega do XII Premio Internacional Compostela de Álbums Ilustrados, presidida polo alcalde, Xosé Sánchez Bugallo. A ilustradora húngara Mariann Máray recibiu o galardón pola súa obra O can de Milu, que foi seleccionada entre os case 300 traballos presentados a esta edición do certame, procedentes de 24 países.

Unha proposta de rehabilitación presentada polo Concello de Santiago resultou gañadora do Concurso Driehaus, unha iniciativa do financeiro norteamericano Richard H. Driehaus que busca axudar a recuperar a arquitectura tradicional de zonas esquecidas nas localidades españolas. Nesta primeira fase, os concellos enviaron ao concurso as súas propostas de rehabilitación ou remodelación de diferentes espazos arquitectónicos. Entre todas elas, foron elixidas Santiago de Compostela, Alzira (Valencia), Santa Cruz de la Palma (Tenerife) e Guadix...

O Pleno da Corporación aprobou por unanimidade o inicio dos trámites para o irmandamento coa cidade de Braga. Dáse así continuidade ao protocolo iniciado hai un tempo, co obxectivo de "fortalecer as relacións entre as dúas cidades, concretamente nas áreas económica, turística e cultural, aproveitando os recursos que existen en ambos concellos".

O Pleno da Corporación aprobou por unanimidade propor a concesión da Medalla de Ouro da cidade ao Ilustre Colexio de Avogados de Santiago de Compostela, que o pasado 16 de novembro celebrou o seu 175 aniversario da súa fundación. A proposta será sometida ao ditame do Consello Asesor de Condecoracións.

O Teatro Principal de Santiago acollerá ás 20:00 horas do venres 29 de novembro a gala de entrega dos Premios Youtubeir@as. As entradas son gratuítas e pódense retirar no despacho de billetes do propio recinto no horario de 18:00 a 20:00 horas. Youtubeir@s é unha iniciativa organizada polos servizos de Normalización Lingüística dos concellos da Baña, Ames, Carballo, Cedeira, Moaña, O Grove, Ourense, Ribadeo, Pontevedra, Rianxo, Santiago e Teo, das universidades da Coruña, Santiago e Vigo e da...

O alcalde de Santiago, Xosé Sánchez Bugallo, e o secretario xeral do Eixo Atlantico, Xoán Mao, presentaron o informe "Impacto do turismo na morfoloxía urbana dos municipios do Eixo Atlántico". O estudo constata os efectos da economía colaborativa no aumento do número de camas en vivendas de uso turístico. Na presentación tamén participaron dúas das autoras do informe, Ana Ladeiras e Ana Carricoba.

O alcalde de Santiago, Xosé Sánchez Bugallo, participou no acto de inauguración da Xornada ITH Hotel Energy Meetings, que se celebrou durante esta mañá no Hostal dos Reis Católicos. Na cerimonia de apertura tamén participaron Sara Santos, presidenta de Hostalería Compostela; Julio Castro, representante da Unión Hoteleira Compostela e director do Parador de Santiago; e Coralía Pino, responsable da Área de Sustentabilidade e Eficiencia Enerxética do Instituto Tecnolóxico Hoteleiro.

O alcalde de Santiago, Xosé Sánchez Bugallo, reuniuse este martes con Miguel Pinto, da Agência de Notícias de Portugal Lusa.