Noticias

A veciñanza dos barrios de Salgueiriños, Meixonfrío e Cancelas participou hoxe nun novo encontro Ao vivo, celebrado na Casa das Asociacións de Benestar Social. A limpeza dos espazos públicos, o mantemento da rede viaria e o futuro da estrutura do parque comarcal de bombeiros foron algúns dos asuntos abordados na reunión desta tarde.

Xa están en marcha as obras de mellora do céspede e do sistema de rega do campo de fútbol de Santa Isabel. Esta é a primeira das tres actuacións que se van levar a cabo nos próximos meses na instalación deportiva, e que suporán un investimento total de preto de 600.000 euros.

O rocódromo Indorwall será a sede do Campionato de España de Escalada Deportiva en Idade Escolar, que se celebra os días 7 e 8 de xullo na nosa cidade. Na proba participarán 80 deportistas procedentes de Galicia, Madrid, Castela e León, Estremadura, Valencia, Andalucía, Euskadi, Aragón e Castela-A Mancha.

A Real Filharmonía de Galicia vai ofrecer un concerto este sábado, 7 de xullo, en Portugal, no marco do prestixioso Festival Internacional de Música de Espinho, no Auditorio da cidade, ás 22:00 horas. A batuta levaraa o músico alemán Lars Vogt, que ademais interpretará dous concertos de Beethoven ao piano.

A concelleira de Políticas Sociais, Diversidade, Saúde e Centros Cívicos, Concha Fernández, reuniuse este xoves con Eva Piñeiro e Ánxela Álvarez, técnicas da Asociación Arela, para falar da difusión do programa CONVIVE.COMigo. Este proxecto, impulsado por Arela e a Xunta de Galicia nas provincias da Coruña e de Pontevedra, ten como obxectivo a busca de persoas ou familias que queiran convivir cun/cunha adolescente que teña a obriga de cumprir unha medida xudicial (convivencia con outra persoa, familia...

A Concellaría de Facenda lembra aos e ás contribuíntes que dende hoxe xoves, 5 de xullo, e ata o vindeiro 5 de setembro (ambos incluídos) estará aberto o prazo para o pagamento do Imposto de Bens Inmobles (IBI).

As cidades de Barcelona, Cádiz, Córdoba, A Coruña, Madrid, Zaragoza, Santiago de Compostela e Valencia asinaron hoxe a Declaración de Barcelona na capital catalana para reclamarlle ao novo Goberno do Estado un financiamento e fiscalidade local estable e suficiente que permita garantir dereitos sociais básicos. Ata alí acudiu a concelleira de Economía e Facenda, María Rozas.

O alcalde fixo entrega esta mañá do seu agasallo a Rocío Martínez, a persoa gañadora da III edición do concurso Fotolingua, impulsado polo Concello de Santiago para poñer en valor os establecementos comerciais que utilizan o galego nas súas comunicacións. Martiño Noriega visitou a tenda de agasallos Mononoke, protagonista da imaxe que obtivo máis "gústame" nas redes sociais do certame.

O concelleiro de Educación e Cidadanía, Manuel Dios, visitou esta mañá a nova biblioteca do CEIP Lamas de Abade, executada pola Consellería de Educación en colaboración co Concello de Santiago.

O VIII Festival Internacional Peregrinos Musicais, cuxa finalidade é apoiar a novos talentos galegos e doutros países, clausúrase este mércores, 4 de xullo, como é habitual, cun concerto coa Real Filharmonía de Galicia (RFG). A orquestra, dirixida nesta ocasión polo seu director asociado, o mestre compostelán Maximino Zumalave, acompañará a dúas músicas noveis de Galicia e tamén a intérpretes procedentes de Francia, Holanda e Rusia. Esta cita terá lugar ás 20:30 horas no...