Noticias

A concelleira de Igualdade, Desenvolvemento Económico e Turismo, Marta Lois, anunciou este venres que o Consello de Administración da sociedade mercantil Mercagalicia, participada polo Concello de Santiago, decidiu por unanimidade presentar unha denuncia contra o ex xerente da mesma, Joaquín Macho.

O alcalde presidiu esta mañá o acto de celebración do Día Internacional do Pobo Xitano, que se conmemora mañá, 9 de abril. Martiño Noriega encargouse de darlle lectura ao manifesto redactado polo escritor Manuel Rivas, no que se lembra "a historia dun pobo aldraxado, perseguido case sen descanso, sen poder tomar folgos, ás veces ata o límite (…) como ocorreu no Holocausto nazi".

A Comisión técnica para a municipalización da ORA e do guindastre volverá reunirse o luns. Farao cun único punto na orde do día: a toma en consideración para elevar a Pleno do Estudo e avaliación da memoria xustificativa relativa á modificación da forma de xestión do servizo público de xestión da ORA e do guindastre.

A concelleira de Turismo, Marta Lois, presentou o expediente que nos vindeiros días se elevará á Xunta de Galicia para obter o recoñecemento da Semana Santa como Festa de Interese Turístico de Galicia. A concelleira estivo acompañada por Jorge García, presidente da Xunta de Confrarías de Santiago, entidade que colaborou con Turismo de Santiago na elaboración do informe. Tamén estivo acompañada pola presidenta da Asociación Hostalería Compostela, Sara Santos, coa que Turismo de Santiago organiza a...

A Mesa Local de Comercio, formada polo Goberno municipal, os partidos da oposición, a Cámara de Comercio, a Fundación Santiago Centro, Compostela Monumental, Em-Rede, a Unión de Consumidores de Galicia, a Federación de Comercio da Provincia da Coruña ou o Mercado de Abastos vén de aprobar o Plan Estratéxico de Comercio para o período 2017-2021.

Unha vez rematado o prazo de inscrición no Programa de Conciliación Familiar e Laboral para esta Semana Santa 2017, organizado polo Departamento de Educación e Cidadanía, comunícase que todas as persoas que entregaron a solicitude no Rexistro están admitidas e, á vista de que aínda quedan prazas dispoñibles, continúa aberta a posibilidade de matrícula.

SantYaGo10K, a carreira nocturna de Santiago de Compostelas, celebrarase o sábado 6 e maio ás 22:00 horas. Cando queda aínda un mes para a carreira hai xa preto de duascentas persoas inscritas para participar. A carreira, sobre un circuito lineal de 10 kilómetros, ten a saída en San Francisco e a chegada na praza do Obradoiro, e percorrerá a Alameda e as principais rúas do Casco Histórico. Nas dúas primeiras edicións, a participación chegou ás 2.000 persoas.

O Grupo Cidades Patrimonio promociónase estes días na feira de turismo World Travel Market Latin America, que ten lugar na cidade brasileira de Sao Paulo entre o 4 e o 6 de abril.

Protección Civil de Santiago participou o ano pasado en 652 operativos. É o número máis alto da historia da agrupación, que superar o récord acadado en 2015 con 599 intervencións. É o dato máis salientable da memoria de actividades presentada hoxe pola xefa de Protección Civil de Santiago, Begoña del Río, e o concelleiro de Medio Ambiente e Convivencia, Xan Duro.

O alcalde, Martiño Noriega, participou hoxe na presentación do concerto benéfico organizado pola Asociación Sophia en colaboración co Concello de Santiago. Na rolda de prensa tamén interviñeron o presidente e a vicepresidenta do colectivo, Juan Carlos Rocamonde e Ángela Carballal.