Noticias

As Cidades Patrimonio da Humanidade promocionan a oferta cultural e patrimonial dos seus 15 destinos na feira internacional de turismo Reisen Hamburg, que se celebra na cidade alemá de Hamburgo, e no Salon des Vacances de Bruxelas (Bélxica).

A Xunta de Goberno deu conta hoxe da resolución do Tribunal Administrativo da Contratación Pública de Galicia, que vén de rexeitar o recurso que tiña presentado unha empresa contra a adxudicación do contrato de mantemento da rede viaria e das beirarrúas. O TACGal dalle a razón ao Concello, que hoxe mesmo asinou xa o contrato para poder iniciar as actuacións.

A Casa da Cultura do Milladoiro acolleu esta mañá a primeira das xornadas de formación preparatoria do Club de Debate 2019. A esta primeira xornada asistiron 80 rapazas e rapaces, integrantes dos nove equipos dos concellos de Santiago, Ames e Teo.

Santiago ocupa o posto número 12 no ranking de cidades do Estado do Observatorio da Cultura 2018, que realiza a Fundación Contemporánea. Deste xeito, Compostela mellora tres postos con respecto ao informe de 2017 e é a primeira cidade galega da lista, tres chanzos por riba da Coruña.

A Escola Municipal de Música recibiu este mércores a visita do luthier portugués Pedro Gomes Pinhal, que tivo unha conversa cos alumnos e alumnas do centro sobre o arco nos instrumentos de corda. Nela, tratou aspectos como a construción dos arcos, os procedementos para a súa reparación e o seu mantemento, así como os materiais e o instrumental empregados no seu traballo.

O alcalde, Martiño Noriega, participou hoxe na visita as obras que a Deputación da Coruña vai desenvolver na estrada provincial que une o lugar de Santa Lucía, na parroquia do Eixo, co Concello de Vedra. Trátase dunha actuación longamente demandada polo Goberno local, que permitirá acondicionar beirarrúas nun tramo moi poboado do viario.

A concelleira de Igualdade, Desenvolvemento Económico e Turismo, Marta Lois, visitou hoxe no Cersia o programa integrado de emprego Santiago E-Com, que se está a desenvolver ata o mes de outubro con 100 mulleres do municipio. Está dirixido á mellora da ocupabilidade e á inserción laboral a través do desenvolvemento dun itinerario que conterá distintas accións.

O salón vermello do Pazo de Raxoi acolleu hoxe a presentación das rutas de Vueling para o ano 2019, que inclúe o crecemento da súa base no aeroporto de Santiago coa incorporación dun segundo avión. Na presentación estiveron o alcalde e a concelleira de Turismo, Martiño Noriega e Marta Lois; así como o director de rutas de Vueling, Manuel Ambriz, e o director do aeroporto compostelán, Ricardo López.

Santiago será escenario, dos días 21 a 23 de febreiro, do II Congreso Mundial de Educación "EDUCA 2019, que organizan a plataforma Mundo Educa e a asociación de Mestres Innovadores e Alumnos Competentes, MIAC; en colaboración coas tres universidades galegas. A tenenta de alcalde, María Rozas, presentou hoxe o evento, que reunirá na Cidade da Cultura a expertos/as chegados/as de toda España e de países como Inglaterra, Estados Unidos ou Arxentina.

Esta mañá, o edificio Cersia acolleu a presentación dunha nova edición do programa Vives Emprega, na que estiveron presentes a concelleira de Políticas Sociais de Santiago, Concha Fernández; a concelleira de Servizos Sociais e Igualdade de Ames, Luísa Feijóo, e a responsable de oficinas de Acción Social contra a Fame en Galicia, Asturias, Castela-A Mancha e Madrid, Laia García. A finalidade desta iniciativa é facilitar a inclusión sociolaboral de persoas que atravesan unha situación de...