Noticias

Os centros de infantil e primaria, así como os institutos de Compostela, terán a oportunidade de participar nunha actividade impulsada por Numax e o Concello na que gozarán de 38 películas de distinta temática. A acción foi presentada esta mañá pola concelleira de Igualdade, Marta Lois, e polo responsable da mesma, Xan Gómez, de Numax.

A zona exterior cuberta do Centro Cívico de Conxo, na praza Aurelio Aguirre, acollerá este sábado 12 de decembro, entre 11:00 e as 14:00 horas, unha nova edición do Mercado de Troco. Será unha boa oportunidade para intercambiar aqueles vellos xogos, xoguetes e libros infantís que todos temos na casa en bo estado por outros que sexa máis do noso agrado. Ademais, dende as 11:00 horas, haberá xogos tradicionais da man de Xandobela.

O Xulgado do Contencioso Administrativo Número 2 vén de ditar unha sentenza pola que lle impón ao Concello de Santiago a obriga de indemnizar á empresa Doal pola incorrecta adxudicación do contrato para a xestión da ORA e do guindastre, no ano 2012.O Concello recorrerá o fallo, ao entender que a filial do grupo Vendex non quixo asumir a xestión do servizo no procedemento de contratación novamente aberto en 2017, e que retomaba o do 2012 erroneamente adxudicado. Esta reapertura do proceso de contratación provocou, ata a...

O Concello de Alcalá de Henares acolleu esta mañá unha xuntanza dos concelleiros e concelleiras de Facenda das cidades que integran o Grupo de Cidades Patrimonio da Humanidade de España. A edila de Facenca, María Rozas, participou nesta reunión, na que continuaron os traballos para cumprir o mandato da Asemblea de Alcaldes do Grupo para a elaboración dun documento que reflicta as necesidades e os custos do mantemento dos centros históricos dos municipios españois Patrimonio da Humanidade.

A concelleira de Políticas Sociais, Diversidade, Saúde e Centros Cívicos, Concha Fernández, deu conta esta mañá dos programas e accións desenvolvidos polo Departamento de Políticas Sociais no 2018 en relación ao comezo do mandato. A edila estivo acompañada das técnicas encargadas de elaborar o informe-memoria, a xefa de Servizo da Área de Acción Social, Teresa Furelos, e a xefa de Sección, Eva María González.

O próximo 22 de xaneiro remata o prazo para a presentación de propostas para a xestión da cafetería da Granxa do Xesto, no procedemento aberto polo Concello e que se pode consultar no Perfil do Contratante da web municipal. A duración da concesión será por tres anos, prorrogables noutros dous anos máis.

O Consorcio de Santiago patrocina a exposición Tres anos de Compostela Ilustrada. Encontro Internacional de Cadernos de Viaxe, que pode visitarse na Casa do Cabido dende o pasado 22 de novembro. A mostra aglutina un centenar de obras de 32 artistas procedentes de diferentes puntos de España, Portugal, Francia e Xapón, participantes destes encontros, unha iniciativa que arrancaba no ano 2016 baixo a dirección do ilustrador Miguelanxo Prado. O derradeiro día para percorrela será este mércores, 9 de xaneiro, en horario de 10:00 a 14:00 e...

A concelleira de Acción Cultural, Branca Novoneyra, fixo esta mañá un balance da afluencia ás actividades programadas polo Concello durante este Nadal. Tal e como sinalou Novoneyra, "estamos moi satisfeitos e satisfeitas da acollida que tiveron as accións, non só polo número de persoas participantes senón tamén polo retorno que tivemos ao longo das festas, que viñeron acompañadas de bo tempo na maioría dos días".

A Tropa Verde é un dos 23 proxectos seleccionados para a segunda fase do programa europeo URBACT, de intercambio e aprendizaxe para o desenvolvemento urbano sustentable e integrado. Deste xeito, Santiago segue liderando unha das 23 redes de transferencia, a través do proxecto impulsado pola Concellaría de Medio Ambiente e Convivencia en colaboración coa empresa Teimas Desenvolvemento.

Esta mañá quedou constituída a comisión encargada de determinar a forma máis sostible e eficiente de xestionar os servizos de abastecemento de auga e saneamento e depuración de augas residuais. Dáselle así cumprimento ao acordado no Pleno do pasado mes de novembro.