MOCIDADE
O programa "Hortalíza-Te" formará a quince mozos e mozas no coidado de hortas urbanas e o autoconsumo de produtos de tempada
O Centro Xove da Almáciga acolle, a partir de hoxe, un programa de atención e coidado de hortas urbanas dirixido a mozos e mozas de entre 16 e 35 anos. Trátase dunha acción xurdida ao abeiro dos Orzamentos Participativos de Mocidade do 2018 e que acadou preto de 175 puntos.
TURISMO
A praza de Mazarelos acollerá a terceira edición do festival de San Xoán
A concelleira de Igualdade, Desenvolvemento Económico e Turismo, Marta Lois, e a xerente de Turismo de Santiago, Flavia Ramil, presentaron as liñas mestras da terceira edición do programa festivo de Turismo de Santiago para potenciar o atractivo turístico da noite de San Xoán na cidade, que se celebrará a fin de semana do 22 ao 24 de xuño na praza de Mazarelos.
EDUCACIÓN
A licitación do servizo de docencia e organización da Escola Municipal de Música queda deserta
A Xunta de Goberno acordou hoxe, nunha sesión extraordinaria, deixar deserta a adxudicación do Servizo de dirección pedagóxica, docencia e organización da Escola Municipal de Música. O Executivo asume así a proposta da mesa de contratación celebrada esta mesma mañá, nunha decisión da que xa foron informados os traballadores e traballadoras do centro.
CONSORCIO
O Consorcio de Santiago saca a concurso a realización dos fogos do Apóstolo por valor de 217.800 euros
O Consorcio de Santiago acaba de sacar a concurso o deseño, produción, montaxe realización dos espectáculos nocturnos das festas do Apóstolo 2018, que terán lugar o 24 de xullo na praza do Obradoiro e no seu contorno e o 31 no Campus Sur (Alameda). A licitación, por un valor global de 217.800 euros, inclúe ademais o deseño de folletos informativos co guión e a explicación do espectáculo. O prazo de presentación de ofertas remata o vindeiro 30 de maio.
POLÍTICAS SOCIAIS
Recepción ás persoas participantes no press trip do proxecto #UP2U
A concelleira de Políticas Sociais, Diversidade e Saúde, Concha Fernández, recibiu este sábado no Pazo de Raxoi os/as participantes nun press trip que tiña como obxectivo dar a coñecer o proxecto #UP2U. A delegación estaba encabezada pola impulsora da iniciativa, a maxistrada canaria Reyes Martel.
XUNTA DE GOBERNO
Iniciado o proceso de adxudicación da redacción do proxecto para os accesos da intermodal
A Xunta de Goberno acordou este venres iniciar o procedemento de adxudicación da redacción do proxecto de reurbanización da rúa Clara Campoamor, para adecuala á súa nova función de acceso á futura estación intermodal. O contrato terá un tipo de licitación de 121.000 euros, IVE incluído, e será financiado con cargo aos fondos FEDER do programa ReVive-Edusi Santiago.
CONVIVENCIA
Máis de 200 escolares de catro colexios participan na I Marcha Ciclista Escolar
As rúas de Compostela enchéronse na mañá de hoxe de centos de alumnos e alumnas de catro colexios da cidade, que participaron coas súas bicicletas na I Marcha Ciclista Escolar. Organizada polo Departamento de Educación Viaria da Policía Local, o obxectivo da iniciativa é que os nenos e nenas poñan en práctica o aprendido no parque infantil de tráfico, así como promover o uso da bicicleta como medio de transporte sustentable.
CONVIVENCIA
Máis de 200 nenos e nenas participarán o venres na I Marcha Ciclista Escolar
Máis de 200 alumnos e alumnas de catro centros de Educación Infantil e Primaria de Santiago participarán o próximo venres na I Marcha Ciclista Escolar, organizada polo Departamento de Educación Viaria da Policía Local. O obxectivo da iniciativa é que os nenos e nenas poñan en práctica o aprendido no parque infantil de tráfico, así como promover o uso da bicicleta como medio de transporte sostible.
ACCIÓN CULTURAL E CENTROS CÍVICOS
O Concello de Santiago celebra o Día das Letras Galegas con actividades ata finais de mes
O Concello está a desenvolver unha ampla programación para celebrar o Día das Letras Galegas, con actividades centralizadas en dous departamentos: Acción Cultural e Centros Cívicos. As súas responsables, Branca Novoneyra e Concha Fernández, presentaron hoxe as diferentes propostas, pensadas tanto para o público infantil como para o adulto.
IGUALDADE
Minuto de silencio pola última vítima mortal da violencia machista
A praza do Obradoiro acolleu un minuto de silencio para condenar o último asasinato machista, o dunha muller en Granada.