FESTAS
Santiago e Padrón traballarán na recuperación das ribeiras do Sar
As Festas do Apóstolo non faltaron á súa cita con Padrón. No día dedicado á vila veciña, a delegación padronesa, encabezada polo seu alcalde, Camilo Forján, foi recibida polo rexedor compostelán, Xosé A. Sánchez Bugallo.
FESTAS
Amaral presenta en Compostela o seu último traballo
Unha das citas máis agardadas deste Apóstolo 2008 é o concerto que ofrecerá o martes 29 o dúo zaragozano Amaral. Tres anos despois de conseguir ser o grupo máis vendido de España con Pájaros en la cabeza, regresan á escena musical cun dobre álbum, evocador, que plantexa dualidades, ideas complementarias e incluso polos opostos, segundo sinalan os propios artistas.
CONSORCIO
O antigo Banco de España xa é propiedade do Consorcio de Santiago
O Consorcio de Santiago pasou a ser titular do edificio do Banco de España tras a sinatura de formalización ante notario na sede do organismo interadministrativo. No acto estiveron presentes o alcalde e presidente do Consorcio de Santiago, Xosé A. Sánchez Bugallo, e o delegado especial de Economía e Facenda da Comunidade Autónoma de Galicia, Emilio Vázquez Salgado, en representación do Estado.
ALCALDÍA
O alcalde pide ao Apóstolo a súa axuda para saír das actuais circunstancias económicas
O alcalde compostelán, Xosé A. Sánchez Bugallo, realizou a Ofrenda Nacional ao Apóstolo Santiago, na súa condición de Delegado Rexio. Como é habitual, fixo un repaso aos temas de maior actualidade, como a inmigración, a violencia de xénero, a situación económica, o terrorismo ou o xa próximo Xacobeo 2010.
ALCALDÍA
Santiago e Assisi únense nun proxecto de cooperación cultural, económica e turística
O Pazo de Raxoi acolleu a cerimonia de ratificación do irmandamento de Santiago de Compostela coa cidade italiana de Assisi. Mediante este acordo, as dúas cidades comprométense a activar programas para a mutua posta en valor e diversas accións nos eidos cultural, económico e turístico, tanto a nivel nacional como internacional. Unha destas accións será a posta en marcha dunha liña aérea que una as dúas cidades e que podería estar activa a finais de 2008.
TURISMO E CULTURA
O III Mercado Internacional de Curtametraxes de Curtocircuíto recibe 2.644 curtas de 93 países
Curtocircuíto, o festival de curtametraxes organizado pola Concellaría de Promoción Económica e Turismo e a Concellaría de Cultura, celebra na edición de 2008 o III Mercado Internacional de Curtametraxes en Santiago de Compostela. Dende que se abriu o prazo de inscrición o 14 de abril, 2.644 curtometraxistas rexistráronse en Curtocircuíto e formarán parte do catálogo desta edición.
FESTAS
Milladoiro ofrece un concerto na Quintana para festexar o Día Grande de Galicia
A xornada do venres 25 comezará coa tradicional Ofrenda ao Apóstolo Santiago na Catedral. Será ás dez da mañá. Xa a partir das doce e media do mediodía as rúas da cidade serán animadas por cabezudos a gaiteiros. Ás dez da noite a orquestra Super Combo alegrará cos seus sons a todos os que se acheguen ata a Alameda.
TURISMO
As pernoctacións medraron en Santiago un 7,25% no primeiro semestre de 2008
O número de pernoctacións no primeiro semestre en Santiago foi de 518.834, fronte ás 483.751 do primeiro semestre do 2007, segundo os datos do INE. Nos primeiros seis meses do ano houbo 35.083 pernoctacións máis, que se traducen nun crecemento do 7,25% respecto do primeiro semestre do 2007.
FESTAS
Sinfonía de auga e luz na noite grande de Compostela
Milleiros de persoas encheron o Obradoiro e as rúas e prazas de Compostela para presenciar os Fogos do Apóstolo. A chuvia do día deu unha tregua par o desenvolvemento dun espectáculo no que se combinaron harmonicamente a auga, a luz, a pirotecnia e a música.
TRANSPORTES
Os aparcadoiros de Xoán XXIII e Belvís únense á loita contra o alcohol ao voante
"Se bebes, déixao" é o título dunha nova campaña que pretende contribuír a sensibilizar aos condutores sobre a incompatibilidade de alcohol e condución. Grazas á mesma, os aparcadoiros de Xoán XXIII e Belvís permitirán realizar probas de alcoholemia de balde e deixar nos mesmos os vehículos a metade de prezo.