Noticias

Compostela acollerá próximo 16 de novembro, un Encontro de Política Lingüística Municipal, impulsado pola Coordinadora de Traballadores/as de Normalización Lingüística. A cita ten como obxectivo poñer en común experiencias e proxectos para darlle un pulo ao galego dende as administracións locais.

O alcalde de Santiago achegouse este mediodía á Casa da Troia, onde hoxe e mañá se celebran os II Encontros Troianos en Compostela. Aproveitando a visita, Martiño Noriega puido coñecer aos integrantes da Asociación de Antigos Tunos Composteláns, a entidade que xestiona o museo e que preside Benigno Amor.

O Concello estará presente en Madrid este sábado 7 de novembro na Marcha Estatal contra as violencias machistas, á que acudirán a concelleira de Igualdade, Marta Lois, e a concelleira de Políticas Sociais, Concha Fernández.

A concelleira de Igualdade, Desenvolvemento Económico e Turismo, Marta Lois, clausurou a primeira edición do Foro Colaborativo para o Emprego, que se celebrou os días 5 e 6 de novembro no Palacio de Congresos de Galicia. Nesta primeira edición participaron máis de 2.500 persoas nas diferentes actividades que se organizaron dentro do evento.

Concha Fernández reuniuse este venres co xerente do Complexo Hospitalario de Santiago de Compostela, Luis Verde, ao que lle pediu que axilice os trámites para convocar o Consello de Saúde da Área e que se inclúan os representantes dos pacientes. A concelleira de Políticas Sociais considera prioritario que se garanta a calidade na asistencia aos usuarios do servizo sanitario e os dereitos en materia de saúde.

A xornada do sábado 7 en Cineuropa ofrece un total de 19 proxeccións, entre as que destacan as dúas películas da Sección Oficial, 45 years e Sunset Song. 45 years, de Andrew Haigh, que poderemos ver ás 19:45 h no Salón Teatro, conta a historia dun matrimonio british que celebra o seu aniversario e os seus segredos e acadou o premio de mellor actriz para Charlotte Rampling e mellor actor para Tom Courtenay na última edición do Festival de Berlín. Sunset Song, que se pasa no Teatro...

A compañía andaluza Vaivén Circo chega este sábado a Compostela para presentarnos o seu espectáculo para todos os públicos Do not disturb. No molestar. Poderemos velo a partir das 18:30 horas no Auditorio de Galicia e as entradas teñen un prezo de 9 euros. Están á venta en entradas.abanca.com, no 902 434 443 e no despacho de billetes do Teatro Principal, e tamén se poderán mercar dende unha hora antes de que comece o espectáculo no despacho de...

O alcalde de Santiago, Martiño Noriega, e o concelleiro de Educación e Cidadanía, Manuel Dios, reuníronse en Raxoi co director da Fundación Amancio Ortega, Óscar Ortega, e cos arquitectos encargados do proxecto da que será a nova escola infantil do Castiñeiriño. Será a Fundación a que constrúa este novo equipamento nunha parcela cedida polo Concello e a escola quedará incluída na rede autonómica de escolas infantís de A Galiña Azul.

O alcalde de Santiago, Martiño Noriega, e a concelleira de Igualdade, Desenvolvemento Económico e Turismo, Marta Lois, inauguraron esta xoves a primeira edición do Foro Colaborativo polo Emprego. Máis de 1.400 persoas inscribíronse para participar nas múltiples actividades do evento, cifra que amosa a necesidade de que a cidade contase cun encontro destas características para fomentar un mercado laboral de calidade.

A Concellaría de Acción Cultural programou para este domingo, 8 de novembro, as primeiras entregas do programa 12 doces do outono, unha proposta escénica para público familiar combinada coa degustación ao remate das funcións de doces do outono elaborados nos propios centros socioculturais polos veciños en obradoiros previos.