EMPREGO
O paro descende en Santiago un 2,53% respecto a outubro do ano pasado
En outubro do 2013 houbo 8.834 persoas rexistradas no paro na cidade, fronte ás 9.063 de outubro do 2012. O número de persoas paradas aumentou en 157 persoas respecto do mes de setembro, un 1,81%, sendo o segundo mellor mes da serie dende 2006.
EMPREGO E COMERCIO
Vinte e catro persoas participan no Obradoiro de Emprego "Santiago Impulsa"
A concelleira de Economía, Emprego, Comercio e Turismo, Reyes Leis, visitou os participantes e o persoal do Obradoiro de Emprego Santiago Impulsa II, co obxecto de coñecer o seu funcionamento e actividades.
SOSTIBILIDADE
Unha auditoría analizará 28.000 puntos de alumeado público e marcará as directrices para unha maior eficiencia enerxética
Unha auditoría enerxética analizará 28.000 puntos de luz do alumeado público e 645 postos de mando, co obxectivo de marcar as directrices para un maior aforro enerxético e un incremento da sostibilidade. Este estudo será fundamental cara a elaboración do prego do contrato de mantemento da iluminación pública e para determinar os investimentos necesarios nesta materia. O obxectivo do Goberno local é lograr máis dun 40% de aforro na factura eléctrica.
XUVENTUDE
Comeza o Curso de Iniciación á Fotografía Dixital organizado por Xuventude
A concelleira de Xuventude, Rebeca Domínguez, asistiu na Casa das Asociacións de Cornes á primeira sesión do Curso de Iniciación á Fotografía Dixital, organizado polo seu Departamento.
ALCALDÍA
A Fundación Barrié recibiu o Premio do Grupo de Cidades Patrimonio polo seu labor de mecenado cara a Catedral de Santiago
O Grupo de Cidades Patrimonio da Humanidade de España entregou nun acto celebrado no patio da Casa Lis de Salamanca o premio Patrimonio 2013 á Fundación Barrié, polo seu mecenado e compromiso pola recuperación e conservación do patrimonio a través do Programa Catedral de Santiago, protagonizado polo proxecto de conservación e restauración do Pórtico da Gloria. O alcalde compostelán, Ángel Currás, asistiu á cerimonia.
CENTROS SOCIOCULTURAIS
"Vive o Nadal 2013" programa 200 accións en 37 centros socioculturais e outórgalle un protagonismo especial á maxia
A Concellería de Centros Socioculturais pon en marcha unha nova edición de Vive o Nadal, cunha variada proposta de actividades socioculturais que comezan xa neste mes de novembro e que terán continuidade ata os primeiros días de xaneiro de 2014. Serán máis de 200 accións distintas en 37 centros socioculturais. Ademais, o programa conta novamente cun servizo de actividades matinais de conciliación para as familias compostelás, con 195 prazas repartidas entre oito centros socioculturais.
TURISMO
Santiago promociónase en Bollywood
A Santiago de Compostela Film Commission, servizo de Turismo de Santiago para a promoción audiovisual da cidade que ten colaborado xa con grandes producións cun importante impacto turístico como The Way, desenvolverá diferentes accións de promoción en Bollywood. Estas accións serán posibles grazas á invitación do presidente da Asociación de Produtores de Cine e Televisión da India, Kulmeet Makkar, quen visitou Santiago a comezos de agosto convidado polo Clúster do Audiovisual Galego, a Spain...
XUNTA DE GOBERNO
O Concello reparará e adaptará á normativa vixente os parques infantís e os circuítos biosaudables do municipio
A Xunta de Goberno, na súa sesión ordinaria, aprobou o inicio do expediente para contrata ro servizo de reparación e adaptación á normativa vixente das áreas de xogos infantís e circuítos biosaudables. Tamén se aprobou o proxecto de traslado da caseta da antiga oficina de turismo da praza de Galicia, na que agora se construirá un parque.x
ALCALDÍA
O Grupo de Cidades Patrimonio da Humanidade entregará mañá venres o seu Premio á Fundación Barrié
O alcalde compostelán, Ángel Currás, participará este sábado 16 de novembro, en Salamanca, na Asemblea Xeral do Grupo Cidades Patrimonio da Humanidade de España, máximo órgano de goberno da entidade. Á reunión, que se celebrará ás 10:00 horas no Salón de Recepcións do Concello, asistirán os alcaldes das 13 cidades membros desta entidade.
RELACIÓNS VECIÑAIS E CENTROS SOCIOCULTURAIS
Publicada a convocatoria provincial de axudas a entidades privadas para a promoción de actividades de interese público
A Concellería de Relacións Veciñais e de Centros Socioculturais informa da publicación este xoves, 14 de novembro, no número 217 do Boletín Oficial da Provincia (BOP) fas bases reguladoras das convocatorias de subvencións da Deputación Provincial da Coruña dirixidas a entidades privadas (iniciativa social sen ánimo de lucro ou de carácter mercantil) para o exercicio 2014.