Noticias

O alcalde de Santiago, Martiño Noriega, e outros membros da Corporación recibiron en Raxoi o atleta compostelán Pedro Nimo, que o pasado 12 de agosto, en Berlín, obtivo coa Selección Española a medalla de prata por equipos do maratón do Campionato de Europa de Atletismo. Ademais, foi 22º na clasificación individual.

Este xoves celébrase o Día da Mobilidade Eléctrica, dentro da Semana Europea da Mobilidade. A Alameda acolle ao longo de toda a xornada unha exposición de vehículos eléctricos, na que participaron diferentes empresas e concesionarios da cidade. O concelleiro Jorge Duarte visitou a mostra e reiterou "o compromiso do Goberno de incorporar este tipo de vehículos á flota municipal, apostando pola redución de emisións contaminantes".

O comedor do Pazo de Fonseca será o espazo que acolla provisionalmente o Legado de Maside. As 21 pezas que conforman a colección foron adquiridas polo Consorcio de Santiago, permitindo darlle cumprimento ao desexo expresado polo propio Carlos Maside de que a súa obra estivera en Compostela. O alcalde e presidente do Consorcio, Martiño Noriega, visitou hoxe o espazo acompañado polos herdeiros do artista e por representantes de todas as institucións que fixeron posible a compra e a próxima exposición do legado: o Consorcio, a...

A concelleira de Deporte, Noa Morales, acompañada do presidente da sección de montaña do Club Deportivo Fontiñas, Iñaki Bilbao, e da coordinadora de Unicef Comité Galicia, Irene Marín, deu conta hoxe dos detalles da edición número XVII da Camiñada ao Pedroso, que terá lugar o vindeiro domingo 7 de outubro ás 10:00 horas. Un ano máis, o recadado irá para Unicef.

A praza do Obradoiro acolleu un minuto de silencio para condenar os últimos asasinatos machistas, que deixaron este martes vítimas mortais en Macarena (Granada), Bilbao e Castellón.

O alcalde de Santiago, Martiño Noriega, acompañado doutros integrantes da Corporación, recibiu o alumnado do Colexio Carl-Benz-Gymnasium Ladenburg (Alemaña) e do Colexio Manuel Peleteiro, co que realizan un intercambio escolar.

O transhumanista José Luís Cordeiro e o inventor da prótese Lego, David Aguilar, participarán na cuarta edición da Maker Faire Galicia, a maior feira de inventores do mundo, que este ano terá lugar na Cidade da Cultura de Santiago de Compostela os días 23, 24 e 25 de novembro.

A Policía Local participou durante a pasada semana nunha nova campaña especial de vixilancia da Dirección Xeral de Tráfico, desta vez centrada nas distraccións na condución. Do 17 ao 23 de setembro, os/as axentes controlaron 1.440 vehículos, cun resultado de 11 denuncias (0,76%) por algún tipo de distracción ao volante.

Rematado o proceso de avaliación técnica por parte dos distintos departamentos do Concello, este martes 25 de setembro pola tarde abriuse o proceso de votación coas 136 propostas que pasaron o filtro técnico. Tal e como explicou a concelleira de Economía e Facenda, María Rozas, en rolda de prensa, "as propostas que se desbotaron ou ben non eran competencia municipal, ou ben superaban o orzamento dispoñible ou non eran propostas de investimentos". A Mesa de Propostas, reunida hai uns días, ponderou as propostas segundo os...

O vindeiro venres 21 de setembro dará comezo, no Museo do Pobo Galego, o curso de formación Voluntarios no audiovisual. Terá un total de 30 horas de duración (18 de formación e 12 de traballo co guieiro realizado), e estenderase ao longo dos meses de setembro e outubro.