Noticias

Dende o 31 de maio ata o 2 de xuño, Compostela convértese no escenario do festival de percusión afro-brasileira BateBatuke, que organiza a asociación cultural Trópico de Grelos en colaboración co Concello de Santiago. A concelleira de Centros Cívicos, Concha Fernández, presentou hoxe a actividade, que "este ano ten o atractivo engadido de coincidir coas festas da Ascensión, e de chegar por vez primeira ao Ensanche". Na rolda de prensa tamén participaron Julia Sueiro, Andrés Rivero e Miguel...

O próximo venres celebrarase o sorteo público das prazas para participar no programa Vive o verán da rede de Centros Cívicos, unha vez que o número de inscricións superou amplamente a demanda existente. O sorteo será a partir das 11:30 horas no Centro Cívico de Santa Marta e estará aberto á cidadanía que queira presencialo.

As mulleres que participen nas festas da Ascensión contarán cun Punto Lila de información e atención sobre as violencias sexuais situadona praza do Toural. Esta iniciativa foi posta en marcha por vez primeira durante as festas do Apóstolo do ano pasado.

Compostela vive dende mañá mércores as festas da Ascensión, que este ano se celebran do 29 de maio ao 2 de xuño. Durante estes cinco días de festas haberá ata oito grandes concertos, propostas diversas para público familiar e as citas xa tradicionais destas datas.

A Fundación Laboral da Construción, o Consorcio de Santiago e a Fundación Catedral de Santiago presentaron hoxe no Centro de Referencia de Formación en Materia de Rehabilitación de Pontepedriña o Curso Superior de Especialización en Xestión de Obras de Rehabilitación. Está dirixido a profesionais, técnicos/as e xefes/as de obras de rehabilitación coa necesidade de adquirir ou ben actualizar os seus coñecementos en materia de conservación, restauración e rehabilitación.

O segundo tenente de alcalde, Jorge Duarte, recibiu un grupo de alumnos e alumnas dos IES Eduardo Pondal de Santiago e de Ponteceso, que están a manter un intercambio cultural.

A Real Filharmonía de Galicia pecha esta semana a tempada de abono con dous concertos dirixidos polo seu director titular, o mestre Paul Daniel. O primeiro soará o mércores 29 en Santiago, no Auditorio de Galicia, ás 20:30 horas. O xoves, a orquestra tocará no Auditorio de Ferrol, tamén ás 20:30 horas, dentro da colaboración que a RFG mantén coa Sociedade Filharmónica Ferrolá. O ensaio xeral do mércores 29 no Auditorio de Galicia será aberto ao público ata completar aforo, e comezará...

A Escola Municipal de Música celebrará seu festival de fin de curso 2018-2019 o vindeiro 21 de xuño ás 19:00 horas, no Auditorio de Galicia, baixo o título "50 anos da canción galega". Este festival enmárcase na liña de traballo iniciada o ano pasado con "A muller galega na música", na que a Escola érguese como centro vertebrador da recuperación e posta en valor do inmenso patrimonio musical feito en Galicia.

Os concellos de Santiago, Ames, Brión e Padrón acaban de poñer en funcionamento a páxina web da ruta cultural "As pegadas de Rosalía". Mediante esta acción búscase que os usuarios poidan acceder de forma directa e fácil a información detallada sobre a ruta rosaliana, así como dar a coñecer as últimas novas e iniciativas organizadas arredor da propia ruta. A web www.rutarosaliana.gal, que xa está dispoñible en galego,...

A Xunta de Goberno aprobou este venres o proxecto de acondicionamento exterior do campo de fútbol de Belvís, no que se van investir case 145.000 euros. A actuación ten como obxectivo mellorar as condicións de accesibilidade e os servizos deste equipamento.