XUNTA DE GOBERNO
Aprobada a convocatoria de subvencións destinadas ao fomento de actividades a prol da igualdade e á prevención das violencias machistas
A Xunta de Goberno Local aprobou hoxe a convocatoria para a concesión de subvencións para o fomento de programas e actividades en prol da igualdade efectiva entre mulleres e homes e das persoas do colectivo lésbico, gay, bisexual, transexual, intersexual e queer (LGBTIQ+) e de prevención e loita contra as violencias machistas, para o ano 2024, que conta cun orzamento de 30.000 euros.
LINGUA
A alcaldesa fai entrega dun "contrato de fidelidade á lingua galega" ao alumnado que participa no Correlingua 2024
A alcaldesa Goretti Sanmartín e representantes dos grupos municipais participaron no acto de clausura do Correlingua 2024 desta xornada organizada en Santiago de Compostela coa participación de 1.060 rapaces e rapazas de 10 centros de ensino.
XUVENTUDE
Aberto o prazo de inscrición no Campamento de verán de surf destinado á mocidade de Compostela
Un ano máis, os mozos e mozas de entre 14 e 17 anos teñen a oportunidade de participar nun campamento de verán de surf no concello de Oleiros, grazas ao programa organizado pola Concellaría de Dereitos e Servizos Sociais, Promoción Económica e Xuventude. A actividade desenvolverase do 1 ao 8 de xullo, e o prazo para presentar as solicitudes estará aberto desde hoxe, 20 de maio, ata o 3 de xuño.
ALCALDÍA
Recepción á delegación de embaixadores e embaixadoras da UE
A alcaldesa de Santiago, Goretti Sanmartín, e membros da Corporación municipal recibiron esta mañá no Pazo de Raxoi unha delegación de embaixadores/as da Unión Europea acreditados en España, encabezados polo embaixador de Bélxica en España, Gerard Cockx, país que ostenta a presidencia de turno do Consello da UE durante este trimestre.
DEREITOS E SERVIZOS SOCIAIS
Mañá abre o prazo para solicitar as bolsas de comedor escolar, material e actividades extraescolares
Mañá quedará aberto o prazo para solicitar as bolsas de comedor escolar, adquisición de material escolar e realización de actividades extraescolares para o próximo curso 2024-2025, despois de que o Boletín Oficial da Provincia publicara hoxe a convocatoria. As axudas pódense solicitar ata o 3 de xuño.
XUNTA DE GOBERNO
O Concello aproba un convenio de colaboración coa USC para desenvolver accións concretas cara a un turismo máis sostible
A Xunta de Goberno aprobou esta mañá o convenio de colaboración entre o Concello e a Universidade de Santiago para o desenvolvemento de traballos de investigación e actividades de I+D+i en materia de turismo sostible. O executivo municipal tamén deu luz verde a dous expedientes para realizar intervencións nas parroquias de Aríns e Laraño, así como a un convenio coa Xunta para a xestión do servizo de comedor en nove centros educativos para os cursos 2023-24 e 2024-25 e ao Plan municipal de prevención contra os...
