DESENVOLVEMENTO ECONÓMICO E POLÍTICAS SOCIAIS
O Concello pon en marcha a súa programación de actividades para o fomento da economía social
A concelleira de Políticas Sociais, Concha Fernández, presentou as actividades de fomento da economía social e colaborativa para o ano 2017. Estas accións forman parte do programa Compostela Móvese 2017, programa que recolle as múltiples actividades que desenvolve a Oficina de Promoción Económica municipal para impulsar un novo modelo económico para Santiago apoiándose nas principais fortalezas da cidade.
REPULSA
Minuto de silencio e bandeiras a medio mastro polos atentados de Londres
Corporación e traballadores/as municipais gardaron esta mañá un minuto de silencio en respulsa polos atentados acontecidos esta fin de semana en Londres.
ALCALDÍA
Pleno co alumnado do Colexio Compañía de María
O alcalde presidiu esta mañá un pleno infantil, no que participaron alumnos e alumnas do colexio Compañía de María. Xunto con Martiño Noriega, á sesión asistiron o edil de Educación, Manuel Dios, e os concelleiros María Corral, do PP; Paco Reyes e Gonzalo Muíños, do PSOE; e Rubén Cela, do BNG.
CONVIVENCIA
Máis de 500 nenos e nenas participan na I Gala pola Seguridade Viaria
Máis de 500 nenos e nenas de diferentes colexios de Santiago participaron este luns na I Gala pola Seguridade Viaria, organizada polo Departamento de Educación Viaria da Policía Local. Foi un evento de carácter lúdico, no que a través do humor se incidiu nas boas prácticas que todos e todas debemos ter como peóns e como condutores.
ALCALDÍA
Recepción a un grupo de persoas internas do Centro Penitenciario de Segovia
O alcalde de Santiago, Martiño Noriega, acompañado doutros/as integrantes da Corporación, recibiu un grupo de internos/as do Centro Penitenciario de Segovia, que un ano máis realizaron o Camiño de Santiago.
ACCIÓN CULTURAL
Papi e Mami presentan mañá na SELIC as súas "Fantasías coas palabras"
Os nenos e nenas teñen este martes unha cita na Semana do Libro de Compostela: a presentación de Fantasía coas palabras, de Papi e Mami. Será a partir das cinco e media da tarde.
CONSORCIO
Alumnado da Escola de Altos Estudos Musicais ofrece este martes un concerto no Paraninfo da Universidade de Santiago
A Escola de Altos Estudos Musicais (EAEM) ten en marcha a iniciativa A Escola na Cidade, un ciclo de concertos de música de cámara interpretados polos alumnos e alumnas do Curso Avanzado de Especialización Orquestral do centro. As entradas destas actuacións son gratuítas ata completar aforo.
