Noticias

A Casa do Concello acolleu a constitución da nova Comisión de Cooperación para a Xestión e Desenvolvemento do Ano Santo 2010, conformada por distintos departamentos da Xunta e do Concello. Na mesma acordouse a creación dun centro de control dende o que se centralizará toda a información e os operativos de recepción de visitantes do Ano Santo.

O Concello de Santiago expresou a súa firme condena ao atentado terrorista que lle custou a vida a dous gardas civís en Calviá (Mallorca). Así, a Corporación municipal sumouse á concentración silenciosa de repulsa que se celebrou na praza do Obradoiro, convocada pola FEGAMP.

O Centro Superior de Investigacións Científicas (CSIC) construirá en Santiago o Centro de Ciencias do Patrimonio Cultura, que será o centro nacional investigador de referencia neste ámbito. O centro situarase en Brañas do Sar e nel traballarán uns 100 investigadores.

A rolda de prensa habitual dos venres do alcalde, Xosé A. Sánchez Bugallo, cambiou esta vez de escenario, porque o Concello estreou a súa nova sala de prensa, a carón do Departamento de Comunicación.

O alcalde compostelán, Xosé A. Sánchez Bugallo, puxo esta mañá a primeira pedra da urbanización do polígono SUNP-5 da Muíña, en San Lázaro. A urbanización deste solo para vivenda de protección pública, xestionado pola Empresa Municipal de Vivenda e Solo (EMUVISSA), durará nove meses e suporá un investimento de 5.496.915 euros.

O sábado 1 de agosto é o primeiro día da segunda edición do Festival dos Abrazos. Clasicismo e vangarda son os piares da xornada, coas actuacións de Sigma Project, António Gonçalves, Napalma e o concerto inaugural do festival: a Real Filharmonía de Galicia. Esta actuación, prevista para a praza da Quintana, trasladouse ao Auditorio de Galicia debido á ameaza de chuvia. Será ás 21:00 horas con entrada gratuíta ata completar o aforo.

Na xuntanza que o Consello Sectorial de Turismo, presidido polo concelleiro de Turismo, Xosé Manuel Iglesias, mantivera o 26 de maio, constituíu unha Comisión sobre o Ano Santo 2010 co obxecto de que o sector aportase as súas reflexións e propostas respecto do evento dentro das competencias municipais. O Consello, no que están representados os axentes vinculados co sector turístico da cidade, volveu reunirse e nesta xuntanza presentáronse as propostas do tratado nas diferentes reunións de dita Comisión. Unha delas é...

Co remate das Festas do Apóstolo, chega o momento do balance. Así, o concelleiro de Festas, Xosé Baqueiro, destacou a gran participación cidadá e de turistas en todas as actividades, tanto nos concertos como no cartel tradicional.

O Concello vai a levar a cabo un proxecto de optimización da circulación viaria, aparcadoiros e sinalización do Polígono Industrial do Tambre. Esta actuación, que incluirá o pintado das zonas de aparcamento e a retirada de plataformas e vehículos pesados que ocupan zonas non destinadas a eles, suporá que se podan gañar unhas 200 prazas de aparcamento. O investimento neste proxecto alcanza os 120.000 euros.

Unha nova ordenanza regulará o servizo de ordenación e regulamentación do aparcamento (ORA), nas prazas ordinarias e nas de reserva, así coma os diferentes réximes para a súa correcta utilización. Esta norma é pioneira en Galicia nalgúns dos seus aspectos, fundamentalmente nos relativos á reserva de prazas para os residentes, que queda establecida nun mínimo do 30%.