Noticias

A Concellaría de Acción Cultural e a Asociación de Escritoras e Escritores en Lingua Galega (AELG) organizan un ciclo de percorridos literarios por Compostela que procura outra ollada á historia e xeografía da cidade. A escritora e investigadora compostelá Esperanza Mariño Davila, o autor e profesor de lingua e literatura santiagués Daniel Asorey, o novelista limiao Antón Riveiro Coello e a poeta viguesa Marta Dacosta idean e conducen as catro rutas literarias que o ciclo levará ás rúas de Compostela cada...

O luns 11 de setembro entrarán en en vigor os horarios de inverno no servizo de transporte urbano. Non hai modificacións substanciais respecto á pasada tempada de inverno, salvo a da liña 6, motivada polas obras que se están a realizar na ponte de San Lázaro.

Xa están rematadas as obras de mellora do pavimento da calzada entre Nemenzo e Marantes, executadas con cargo aos fondos do POS 2016 da Deputación da Coruña. A actuación afectoulle a un tramo de 2,6 quilómetros.

A Deputación da Coruña vén de adherirse á campaña En negro contra a violencia, unha iniciativa xurdida en 2015 no Concello de Santiago e á que se sumaron o ano pasado 17 concellos de toda Galicia.

Os nenos e nenas que participaron este ano no Verán CampUSC visitaron este mércores o Pazo de Raxoi, onde foron recibidos pola concelleira de Igualdade, Desenvolvemento Económico e Turismo, Marta Lois, e outros membros da Corporación municipal. Este programa de conciliación está artellado pola USC e conta por segundo ano, coa colaboración do Concello de Santiago.

A concelleira de Políticas Sociais, Diversidades e Saúde, Concha Fernández, presentou esta mañá a peza teatral Na butaca, da compañía ButacaZero, que se estreará en Compostela o vindeiro 21 de setembro. Na rolda tamén estiveron a dramaturga e directora, Esther Carrodeguas; a actriz Pepa Barreiro; o director de Galaxia, Francisco Castro, e a presidenta de Agadea, Isabel Gey.

A concelleira de Igualdade, Desenvolvemento Económico e Turismo, Marta Lois, e outros/as integrantes da Corporación recibiron un grupo de estudantes da cidade alemá de Regensburg. Estes alumnos/as participan nos Cursos de Verán da USC nos que se imparten clases de lingua española.

O Goberno local vén de retirar o escudo franquista que coroaba a antiga escola de Amio. Dáselle cumprimento así ao artigo 15.1 da Lei de Memoria Histórica, que determina que "as administracións públicas, no exercicio das súas competencias, tomarán as medidas oportunas para a retirada de escudos, insignias, placas e outros obxectos ou mencións conmemorativas de exaltación persoal ou colectiva, da sublevación militar, da Guerra Civil e da represión da ditadura". Ao mesmo tempo, tamén se lle da...

A III Edición do festival Rock is Dead foi presentada este martes por Noa Morales, concelleira de Mocidade, e por Iago Otero, representante da entidade organizadora, Mad Ghost. Esta nova edición celebrarase no parque de Belvís este sábado 9 de setembro, a partir das 13:00 horas. Ademais de música, haberá moitas máis actividades.

A XXXI Semana Cultural de Conxo foi presentada este luns pola concelleira de Políticas Sociais, Concha Fernández, e polo técnico do CSC de Conxo, Xulio Noya. Esta edición comeza o día 5 e remata o 9 de setembro. Ademais, ata o día 26 de setembro, haberá unha exposición sobre comercio xusto organizada por Panxea.