XUNTA DE GOBERNO
O Concello destina máis de 600.000 euros anuais ao mantemento de edificios e instalacións municipais
Este mércores celebrouse unha sesión extraordinaria da Xunta de Goberno Local, na que se abriu o procedemento de adxudicación do Servizo de conservación, reparación, pequena reforma ou ampliación de diversos edificios e instalacións dependentes do Concello de Santiago.
CONSORCIO
O Consorcio de Santiago concede 18 axudas para mellorar o mantemento exterior e a eficiencia enerxética dos inmobles da cidade histórica
O Consorcio de Santiago resolveu a convocatoria de axudas do programa Ter é manter, dirixido ao mantemento e mellora da eficiencia enerxética da envolvente exterior dos edificios da cidade histórica de Santiago. Esta subvención abrangue as fachadas exteriores ou patios interiores, cubertas, canlóns e baixantes, carpinterías e galerías de madeira, portas de entrada aos edificios e reixerías dos inmobles situados no ámbito do Plan Especial de Protección e Rehabilitación da Cidade Histórica.
ALCALDÍA
Sánchez Bugallo reúnese co comité de folga do Aeroporto Rosalía de Castro de Santiago
O alcalde de Santiago, Xosé Sánchez Bugallo, reuniuse este martes co comité de folga do Aeroporto Rosalía de Castro de Santiago, que convocou tres paros este mes en protesta pola non licitación do servizo de cantina destinado aos traballadores e traballadoras.
POLÍTICAS SOCIAIS E SAÚDE
A cidade acolle este sábado a I Andaina Solidaria Asotrame
Santiago de Compostela acollerá o vindeiro sábado, 14 de setembro, a I Andaina "Asotrame fai o Camiño", organizada pola Asociación Galega de Transplantados de Medula (Asotrame) coa colaboración do Concello de Santiago. A proba arrincará no Monte do Gozo (monumento de Xoán Paulo II) ás 10:30 horas e chegará á praza do Obradoiro despois de percorrer 5 quilómetros.
ACCIÓN CULTURAL
O Ciclo de Lied celebra o seu vixésimo aniversario percorrendo a historia do xénero dende Schubert
O Ciclo de Lied, organizado polo Concello de Santiago coa dirección da Asociación de Amigos da Ópera de Santiago de Compostela e o apoio da Deputación da Coruña, celebra neste 2019 o seu vixésimo aniversario. Para conmemorar a efeméride, o Ciclo fará un percorrido pola historia do xénero, tomando como punto de partida as creacións de autores como Schubert ou Beethoven, ao longo do mes de setembro, con tres recitais que se celebrarán os días 18, 23 e 25.
CENTROS SOCIOCULTURAIS
Conxo celebra dende este martes a XXXIII edición da súa Semana Cultural
O concelleiro de Centros Socioculturais, Javier Fernández, presentou a edición número 33 da Semana Cultural de Conxo, que se celebra dende este martes 10 ata o sábado 14 de setembro. Xogos, obradoiros, charlas, teatro, música e moito máis para un evento lúdico e de encontro plenamente consolidado na oferta sociocultural de Compostela.
XUNTA DE GOBERNO
A rúa de Clara Campoamor terá un carril reservado para autobuses e taxis
A Xunta de Goberno Local aprobou este luns o proxecto modificado de reurbanización de Clara Campoamor. A intervención permitirá adaptar este vieiro para facilitar o acceso á terminal de autobuses integrada na futura estación intermodal. Afectará a un tramo cunha lonxitude de 800 metros e parte dos terreos adxacentes, cunha superficie total aproximada de 19.000 metros cadrados. O orzamento máximo desta obra é de 1.563.864,94 euros (IVE incluído) e o prazo de execución de cinco meses.
ALCALDÍA
Recoñecemento municipal a Esther Seoane, directora da Cociña Económica, no seu acto de despedida
O alcalde de Santiago, Xosé Sánchez Bugallo, e a concelleira de Políticas Sociais e Saúde, Mila Castro, asistiron esta tarde ao acto de despedida de Esther Seoane, directora da Cociña Económica. O rexedor entregoulle un libro cunha dedicatoria, na que lle agradece os dez anos de traballo á fronte da institución.
ALCALDÍA
Encontro do alcalde con integrantes da Real Academia Galega de Belas Artes
O alcalde de Santiago, Xosé Sánchez Bugallo, recibiu a varios membros da Real Academia Galega de Belas Artes, entre eles o seu presidente, Manuel Quintana Martelo, cos que falou da institución e da actividade que desenvolve.
ALCALDÍA
Sánchez Bugallo recibiu a directiva de COGAMI
O alcalde de Santiago, Xosé Sánchez Bugallo, reuniuse este mediodía con membros da directiva de COGAMI, entre os que se atopaba o seu presidente, Anxo Queiruga.