Noticias

O prazo de solicitude dos permisos para as fogueiras de San Xoán rematará o luns 16 ás 14:00 horas. Non se atenderá ningunha solicitude presentada fóra deste prazo.

A Xunta de Goberno, na súa sesión ordinaria, aprobou o proxecto de renovación dos pavimentos da praza de Galicia e a mellora da rede de saneamento na rúa do Franco. Tamén se deu o visto bo a obras de mellora do firme no rural e adxudicouse a explotación da cafetería do Parque Eugenio Granell.

Este venres, 13 de xuño, ábrese o prazo de inscrición e matrícula no programa de conciliación de verán do Concello, unha vez aprobado o mesmo pola Xunta de Goberno. A iniciativa está dirixida a nenos e nenas que cursen estudos en centros de Educación Infantil e Primaria de Santiago de Compostela, con idades comprendidas entre os 3 e os 12 anos. O orzamento para este programa é de 21.430 euros.x

Os 30 establecementos participantes na segunda edición do concurso de tapas Tapéate Compostela serviron máis de 4.000 tapas entre o venres 6 de xuño, día no que comezou o evento, e o pasado martes día 10. O valor diferencia de Tapéate Compostela é que todas as tapas do concurso, que se serven a un prezo de dous euros, teñen que ser elaboradas con produtos galegos e de tempada que poidan ser adquiridos na Praza de Abastos de Santiago.

A Concellería de Turismo, a través da Santiago Film Comission, colabora coa oitava edición do pitching "I+P Ideas para producir", do Cluster Audiovisual Galego (Clag), celebrado no Auditorio de Galicia. Máis de 80 profesionais do sector audiovisual participan nesta xornada de presentación de proxectos.

O Concello, a través da Unidade Municipal de Atención a Drogodependentes (UMAD) organiza, en colaboración coa Sala Capitol, un novo concerto sen alcohol. Será o venres 20 de xuño a partir das 21:00 horas e o protagonista será o rapeiro andaluz ToteKing.

O concelleiro José María Rosende supervisou os traballos de roza que se realizaron durante o día na parroquia de Bando.

Nos cinco primeiros meses do ano, o aeroporto de Santiago suma preto de 140.000 pasaxeiros nas súas conexións internacionais regulares. No mes de xuño inaugúranse as novas conexións a Roma e Amsterdam, co que o aeroporto terá a maior conectividade internacional da súa historia.

O Concello de Santiago e a Xunta de Galicia organizan e promoven a novena edición do Festival Via Stellae, un certame esencial no verán compostelán que, a piques de cumprir os seus dez primeiros anos de vida, vén avalado por unha consolidada traxectoria e que sempre contou co respaldo do público e co recoñecemento da prensa especializada. Nesta edición serán un total de 23 concertos que se celebrarán dende o 20 de xuño ata o 15 de xullo. Dos 23 concertos do programa só serán de pago seis, cuns prezos...

O alcalde compostelán, Ángel Currás, recibiu un grupo de profesionais do audiovisual de Galicia, con motivo da celebración en Santiago este xoves, 12 de xuño, da 8ª edición do pitching "I+P Ideas para producir", organizado polo Clúster Audiovisual Galego (Clag). Asistirán máis dunha ducia de responsables de canles de televisión nacionais e autonómicas, axentes de distribuidoras e destacados produtores de todo o país. Nesta edición presentaranse 15 proxectos (once galegos, tres...