Noticias

A concelleira de Servizos Sociais, María Corral, presentou Santiago Street Battles III, Campionato de España de Breakdance na modalidade 1 vs 1, que se celebrará o sábado 1 de novembro, entre as 16:00 e as 21:00 horas, en Área Central.

Nova cita co programa sociocultural Compostela Cine Classics 2014. Este venres 24 de outubro, o xénero escollido será a ciencia ficción, coa proxección de A invasión dos ladróns de corpos, filme dirixido en 1956 por Don Siegel.

A concelleira de Servizos Sociais, María Corral, participou na EGAP no acto inaugural do VIII Congreso (Inter)Nacional de Psicoloxía Xurídica e Forense, que se celebra en Santiago do 23 ao 25 de outubro.

Este venres 24, a partir das 20:00 horas, darase por iniciado o programa de actividades da X Semana Cultural da Rocha, coa presenza da concelleira de Cultura e Patrimonio, María Antón. A continuación, Henrique Alvarellos conducirá unha charla arredor da exposición As fotos máis antigas de Galicia.1858, que se exhibe no local sociocultural.

A concelleira de Economía, Reyes Leis, asistiu en Área Central á inauguración do programa #Lanzateaemprender, que ten por obxecto colaborar cos mozos emprendedores que teñen ideas empresariais e precisan un apoio para levar a cabo os seus proxectos.

O alcalde de Santiago, Agustín Hernández, recibiu en Raxoi o embaixador de Xapón en España, Kazuiko Koshikawa. O diplomático asinou no Libro de Honra do Concello.

O programa Imos de excursión 2014 inclúe, ao igual que anteriores edicións, unha actividade dedicada especificamente á difusión dos beneficios do termalismo como práctica saudable. Trátase esta vez dunha estancia de dúas noites do 19 ao 21 de novembro no Hotel Balneario Laias Caldaria, en Laias (Ourense).

O alcalde de Santiago, Agustín Hernández, asinou un convenio de colaboración co Padroado da Casa da Troia. O Concello destina así 3.600 euros para contribuír ao financiamento das actividades que desenvolve o Padroado.

O Consorcio de Santiago celebra esta fin de semana no Museo das Peregrinacións e de Santiago (sede da praza das Praterías) tres novos obradoiros didácticos dirixidos a nenos de entre 6 de 12 anos. Cada un deles ten unha duración de entre unha hora e media e dúas horas. A finalidade desta experiencia lúdica é que os máis pequenos se acheguen á historia de Compostela a través de propostas diferentes.

O maratón deportivo Pink Power -que combinou exercicios de zumba, bodycombat e capoeira- celebrado o pasado domingo 19 de outubro no Multiúsos Fontes do Sar, coincidindo coa conmemoración do Día internacional contra o cancro de mama, contou coa asistencia de máis de 500 persoas, que coa súa solidariedade axudaron a recadar 4.000 euros. O evento contou coa colaboración das concellerías de Servizos Sociais e Deportes do Concello de Santiago.