Noticias

O alcalde de Santiago presidiu o acto de descubrimento dunha placa conmemorativa na honra de Francisco Asorey na rúa Tras de Santa Clara, onde o escultor tivera o seu obradoiro. En palabras de Agustín Hernández, con esta cerimonia, froito dunha decisión unánime da Corporación municipal, púxose "un broche de ouro á celebración dos 125 anos do nacemento do escultor cambadés de berce e compostelán de adopción", coa intención de "continuar mantendo activa a memoria desta figura clave da arte...

O ciclo Sons’15 botará esta semana unha ollada a América e dende alí chegarán dous concertos moi singulares. Este xoves 5 de marzo, e chegados de New York, estarán os Screaming Headless Torsos, os magos da fusión: crossover, metal, funk, R&B, hip-hop… a partir das 21:00 horas na Sala Capitol, acompañados dos galegos Cats and Monkeys. E o domingo 8, a partir das 19:30 horas, tamén na Sala Capitol, poderemos gozar do Walkin’&Talkin’10th Anniversary Tour de Eli "Paperboy" Reed Trío, que chega dende Boston...

A Real Filharmonía de Galicia (RFG) participa esta fin de semana no Festival Musika-Música de Bilbao con tres concertos no Palacio Euskalduna. A primeira cita terá lugar o sábado 7, ás 20:30 horas. O domingo 8, a orquestra ofrecerá dúas actuacións, ás 14:00 e ás 19:00 horas.

Turismo de Santiago promociona a cidade na ITB de Berlín, a feira máis importante do mercado alemán, que se celebra entre o catro e o oito de marzo. A principal novidade que presentará a empresa municipal de promoción turística este ano na feira é a incorporación de novas conexións aéreas directas con tres das principais cidades xermanas: Düsseldorf, Munich e Berlín, que engadirá Vueling a súa oferta no aeroporto de Santiago.

Aproveitando o bo tempo que se esperan para os vindeiros días, o Concello vai levar a cabo traballos de asfaltado e mellora do firme nos seguintes vieiros da zona urbana da cidade: Xeneral Pardiñas, Doutor Teixeiro, Lisboa e no eixo Rosalía de Castro-Santa Marta de Arriba-Choupana-Volta do Castro. Os traballos afectarán ao tráfico de forma transitoria.

O pianista italiano Andrea Lucchesini regresa ao Auditorio de Galicia para interpretar o máis coñecido dos concertos para piano de Saint-Saëns, o segundo, que ben pode servir de mostra da enerxía e personalidade do autor parisiense e cuxa variedade estilística foi interpretada por algúns como caprichosa: "comeza con Bach e acaba con Offenbach", dixo o pianista polaco Zygmunt Stojowski.

O Pleno municipal abordou coma un dos puntos da orde do día o Plan especial de protección e acondicionamento do parque arqueolóxico da Rocha (PE-7R). Coa toma de coñecemento do texto refundido do documento queda feito o derradeiro trámite para o seu desenvolvemento, previa a publicación, e polo tanto entra en vigor para permitir a posta en valor dos restos do castelo.

No Pleno ordinario aprobouse inicialmente o Regulamento da Comisión Asesora de Patrimonio Histórico do Concello de Santiago, que permitirá regular o funcionamento, composición, funcións e actividade ordinaria deste órgano.

A Corporación municipal aprobou por unanimidade a adhesión de Santiago de Compostela á Red Innpulso (Rede de Cidades da Ciencia e a Innovación). Esta incorporación é posible tras a concesión a Compostela da distinción como Cidade da Ciencia e a Innovación, recollida o pasado 9 de febreiro pola concelleira de Desenvolvemento Urbano Sostible, Teresa Gutiérrez, e requisito imprescindible para formar partes desta Red Innpulso, promovida polo Ministerio de Economía e Competitividade.

Declaración institucional dos Grupos Políticos do Concello de Santiago de Compostela con motivo da celebración do 8 de marzo, Día Internacional da Muller.