Noticias

"O tramo urbano dunha estrada converterase dunha das boas avenidas de Santiago e contribuirá a mellorar notablemente dos veciños que viven alí", indicou o alcalde compostelán, Xosé A. Sánchez Bugallo, a propósito do proxecto de reurbanización do tramo comprendido polas rúas Galeras, Salvadas e Vista Alegre. As obras, cun orzamento de 4.364.804 euros, comezarán o 1 de marzo e rematarán antes de que remate de 2010.

O Teatro Principal acolle o mércores 10 e o xoves 11 de febreiro a estrea de Macho, a segunda produción do coreógrafo e bailarín David Loira coa súa propia compañía, Dloira. "Trátase dunha obra que traballa as novas linguaxes e emprega as novas tecnoloxías para cuestionar incluso a propia linguaxe da danza mediante a non-acción", expuxo na presentación a concelleira de Cultura e Centros Socioculturais, Socorro García Conde, que estivo acompañada do artista e do director xerente do...

Cinco das obras presentadas polo Concello para ser financadas polos Fondo Estatal para o Emprego e Sostibilidade Local xa foron aprobadas polo Ministerio de Politica Territorial, segundo anunciou a voceira da Xunta de Goberno, Socorro García Conde na rolda de prensa de resumo dos acordos da sesión. Nesta reunión do Goberno local aprobáronse asuntos como a adxudicación definitiva do servizo de dinamización dos centros socioculturais ou do servizo de lacería, así como distintas cuestións en materia de benestar social.

O concelleiro de Festas de Santiago de Compostela, Xosé Baqueiro, acompañado polos directores das comparsas máis recoñecidas da cidade (Enrique Fernández ‘Quico’, de Os Conformistas de Conxo; Albino Iglesias, de A Ruliña de Laraño; e Manuel Santos, de Os Garanduxos, presentou o programa de actividades para o Antroido 2010. No acto tamén estivo presente o creador do Meco, José L. Méndez, e dous membros da compañía Teatro en punto, Gloria Rico e Roberto Leal, elixidos para dar o pregón.

O alcalde compostelán, Xosé A. Sánchez Bugallo, reuniuse co xeneral de División do Exército do Aire, Eduardo González.

Dende o xoves 11 ata o domingo 14 de febreiro, celebrarase na cidade a XXI edición da Copa de España de Fútbol Sala, un importante evento deportivo que foi adxudicado ao Concello de Santiago e que organizará a Liga Nacional de Fútbol Sala.

O concelleiro de Deportes, Bernardino Rama, presentou o Campionato de España de Seleccións Interterritoriais de fútbol sala na categoría Sub-20, que se celebrará na cidade do 10 ao 14 de febreiro. Participarán as seleccións de Galicia, Melilla, Aragón, Asturias, Baleares, Cataluña, País Vasco, Estremadura e Castela e León.