Noticias

A terceira edición do programa Revelando Voces levará aos centros socioculturais da cidade a sete novas agrupacións musicais. Serán en total 12 concertos, nos que se poderán escoitar diferentes propostas sonoras en pequeno formato.

Coa vista posta no ano 2010, a Concellería de Promoción Económica e Turismo vai acometer a rehabilitazión e sinalización do Camiño de Santiago a través de tres proxectos, cun orzamento total dun millón de euros. As actuacións a desenvolver son a rehabilitación e sinalización dos Camiños de Santiago Francés e a Fisterra e a integración paisaxística do Camiño no entorno da N-634. Os tres proxectos empregarán a 23 persoas e estarán rematadas a finais de 2009.

A segunda edición do Certame MúsicaXove, organizado pola Concellaría de Xuventude, comeza o xoves 16 de abril coa primeira final. Actuarán os tres grupos na modalidade de metal: Soño Eterno, The Weak Force e The Codename, todos procedentes de Santiago. A Sala Capitol abrirá o despacho de billetes ás 21:30 horas para que todos os que queiran asistir ao concerto poidan recoller a súa entrada de balde.

A Concellaría de Promoción Económica e Emprego acaba de subir á portada da súa páxina web www.maiscompostela.org unha enquisa de necesidades formativas. Este cuestionario ten un dobre obxectivo: detectar as necesidades de formación do mercado laboral e ofrecer ao empresariado, a persoas ocupadas e desempregadas e a persoas emprendedoras, a posibilidade de escoller o tipo de formación que precisan para incrementar a súa promoción laboral, mellorar os recursos humanos...

A nova xunta directiva da Asociación do Traxe Galego acudiu á Casa do Concello para departir co alcalde, Xosé A. Sánchez Bugallo, e co concelleiro de Festas, Xosé Baqueiro.