ALCALDÍA
Despedida institucional de Xosé A. Sánchez Bugallo dos hostaleiros composteláns
O alcalde en funcións, Xosé A. Sánchez Bugallo, recibiu a súa última visita institucional. Desta vez pasaron por Raxoi os presidentes da Asociación de Hostalería de Compostela e Comarca, sección Hospedaxe e Restauración, José Antonio Liñares e Jesús Sordo.
CULTURA E MEDIO AMBIENTE
Comezan os Sábados no Parque, unha das propostas ao aire libre de "Vive o Verán!"
Continúan as actividades ao aire libre do programa Vive o Verán!, que organizan conxuntamente a Concellaría de Cultura e Centros Socioculturais e a Concellaría de Medio Ambiente.
EDUCACIÓN
Ábrese unha nova edición da Escola Municipal de Verán de Inglés
Ponse en marcha unha nova edición da Escola de Verán de Inglés English Summer School, que estará aberta do 1 ao 29 de xullo, en horario de 8:15 a 14:00 horas. Está dirixida a nenos/as e mozos/as de 1º de Primaria a 2º de ESO, e desenvolverase no IES Rosalía de Castro.
ALCALDÍA
O alcalde en funcións agradece á Cámara de Comercio de Santiago a súa colaboración en proxectos en beneficio da cidade
O alcalde en funcións, Xosé A. Sánchez Bugallo, recibiu o presidente da Cámara de Comercio, Jesus Asorey.
TRANSPORTES
Entran en vigor os horarios de verán do servizo de transporte urbano
A Sociedade Municipal de Xestión do Transporte Urbano (TUSSA), anuncia a entrada en vigor dos horarios de verán do servizo de transporte urbano o vindeiro 1 de xullo. Neste ano 2011 mantense a mesma liña de reducións que en campañas anteriores.
PLENO
O alcalde en funcións deséxalle éxito e acerto ao novo Goberno municipal
A Corporación saínte celebrou o seu último Pleno, previo ao de constitución da nova Corporación, que se celebrará o venres 1 de xullo a partir das 12:00 horas. A orde do día foi unicamente a aprobación de actas, pero abriuse un turno de palabra para a despedida dos concelleiros que deixan o labor municipal.
CULTURA
As bandas de Musigalizando ofrecen un concerto na praza da Quintana
A Praza da Quintana acolle o martes 28, a partir das 20:30 horas, o concerto das Bandas Xuvenil e Sinfónica de Musigalizando, co que poñen o broche final a Musigalizando, campamento musical que organizan, por quinto ano consecutivo, a Asociación Cultural Musical Solfa, a Banda da Escola de Música de Rianxo e a Banda da Agrupación Músico-Cultural de Ribadumia. O campamento, que se está a celebrar dende o pasado día 22 en Gandarío (Sada), conta co patrocinio da Concellaría de Cultura e da Dirección Xeral de...
ALCALDÍA
A temporada futbolística comezará con dous novos campos de herba artificial
O alcalde compostelán en funcións, Xosé A. Sánchez Bugallo, visitou as tres novas instalacións deportivas coas que conta a cidade. Así, a temporada futbolística abrirase con dous novos campos de herba artificial en Belvís e San Lázaro. E xa dende maio, funcionan en período de proba e de balde as tres pistas de pádel e a de tenis de Sar, á espera da adxudicación da explotación deste recinto.
CULTURA
Marilar Aleixandre será a guía no segundo Roteiro Literario de Compostela
A Concellaría de Cultura e Centros Socioculturais e a Asociación de Escritores en Lingua Galega puxeron en marcha este mes unha nova actividade en Compostela que, baixo o título de Roteiros Literarios, consiste nun paseo acompañado dun escritor que fará diversas paradas en sitios emblemáticos onde se lerán ou recitarán diferentes textos. Así, o martes 28, a partir das 20:00 horas, realizarase o segundo destes roteiros, nesta ocasión guiado por Marilar Aleixandre. En agosto haberá dous roteiros máis...
ALCALDÍA
A presidenta do Parlamento será a delegada rexia na Ofrenda ao Apóstolo
O Rei Don Juan Carlos de Borbón designou á presidenta do Parlamento de Galicia, Pilar Rojo, delegada rexia nos actos da tradicional Ofrenda ao Apóstolo, que se desenvolverán o vindeiro 25 de xullo na Catedral de Santiago. Así o anunciou o alcalde en funcións, Xosé A. Sánchez Bugallo, unhas horas despois de recibir a comunicación do xefe da Casa Real.
