Noticias

Nove empresas, dúas entidades financieiras e dúas empresarias participarán na II Xornada Emprende en Compostela, organizada pola Concellaría de Promoción Económica, Emprego, Comercio e Turismo, no marco do programa Compostela Activa.

O alcalde, Xosé A.Sánchez Bugallo, mantivo o xoves 11 unha reunión co director xeral de Urbanismo da Xunta de Galicia, Ramón Lueje Espina; co subdirector de Urbanismo, José Luis Álvarez Vicente; coa concelleira de Urbanismo e Vivenda do Concello, Mercedes Rosón; e coa xefa de área, Berta Rosón.

Dende 1992, o 10 de outubro celébrase o Día Mundial da Saúde Mental. A súa finalidade é establecer un punto de referencia para promover actividades e estratexias de concienciación sobre a problemática da saúde mental entre a cidadanía. Compostela uniuse á conmemoración deste día a través dos actos organizados pola Federación de Asociacións de Familiares e Enfermos Mentais de Galicia (FEAFES Galicia).

Unha edición máis, o concelleiro de Promoción Económica e Comercio, Xosé Manuel Iglesias, desprazouse ata os establecementos gañadores do Concurso Municipal de Escaparatismo "SCQ Shopping" para entregarlles as súas bandas de recoñecemento. Na convocatoria de outono os gañadores foron, por esta orde El rincón del aceite, Media Lúa e Chocolat Factory.

Volta e Dálle Teatro está de estrea cunha nova obra en forma de catro propostas arredor do tema da malla. O Teatro Principal será escenario, o sábado 13, da primeira posta en escena desta singular representación que toma como referente esta tradición perdida en Galicia para reflexionar sobre o paso dunha sociedade agraria a outra globalizada.

O xurado da V edición dos Premios Educacompostela elixiu como gañador o traballo denominado "Como traballar a lóxica matemática a partir das rutinas da aula", realizado en conxunto por alumnos de varios centros e que recibirá un premio de 1.200 euros. O segundo traballo clasificado correspondeu a un traballo do IES Eduardo Pondal de Santiago (900 euros) e o terceiro a un do IES Portovello de Ourense.

O primeiro dos concertos do Coro da Fundación Caixa Galicia Terra a Nosa e da Capela Compostelana en Estados Unidos, dentro dunha xira organizada pola Concellaría de Cultura, a Dirección Xeral de Turismo da Xunta de Galicia e a Asociación para a Promoción da Música (Actus), obtivo un éxito total. Este primeiro concerto, baixo a dirección de Miro Moreira, celebrouse na Igrexa de San Bartolomeu de Nova York, onde máis de 600 persoas gozaron coa música antiga chegada desde Galiza.

A concelleira de Educación, Guadalupe Rodríguez, e o presidente do Real Automóbil Club de Catalunya (RACC), Sebastián Salvadó Plandiura, inauguraron a exposición itinerante "RACC, 100 anos de confianza", enmarcada dentro colaboración entre as dúas entidades para a Campaña de educación viaria e na autoprotección. A mostra poderá visitarse do 9 ao 28 de outubro en la Avenida Marqués de Sargadelos (Campus Sur), despois de percorrer xa 13 cidades do Estado en 2007 e ter recibido máis de...

A IV edición do Festival Internacional "Curtocircuíto" amplía neste 2007 o perfil do seu público, estendendo a oferta cinematográfica aos máis cativos. Deste xeito, os nenos de Santiago, Ferrol, A Coruña, Pontevedra e Vigo van ter a oportunidade de presenciar unha selección de curtametraxes, programada no marco do Festival.

Despois de ser suspendido por mor do mal tempo o concerto previsto para maio, Milladoiro estará finalmente o 11 de outubro, ás 21:00 horas no Palacio de Congresos e Exposicións. Esta actuación, promovida por Caixanova e na que colabora a Concellaría de Cultura, forma parte dos actos de celebración dos 150 anos da Facultade de Farmacia da Universidade de Santiago. O concerto é de balde.