Noticias

O Concello de Santiago convocou outra edición do Concurso de Ambientación de Nadal, dirixido a establecementos comerciais e hostaleiros co ánimo de visibilizar o atractivo da nosa cidade nunhas datas tan salientables como as de Nadal. A gañadora foi Leonor Díaz González, propietaria da tenda Como Pez en el Agua, situada na rúa de San Pedro. O premio está dotado con 450 euros.

As rúas de Santiago de Compostela acolleron a tradicional Cabalgata de Reis, este ano máis participativa e musical que nunca. Como cada Nadal, Melchor, Gaspar e Baltasar chegaron á cidade en tren. Na estación e logo tamén no Pazo de Raxoi, foron recibidos polo alcalde, Martiño Noriega, e outros membros da Corporación.

A praza do Obradoiro acolleu unha concentración para condenar os últimos asasinatos machistas, que deixaron tres vítimas nos últimos días en Mos (Pontevedra), Torrevieja (Alicante) e Adra (Almería). Zaragoza.

O Concello ultima os detalles para que na tarde-noite deste martes, 5 de xaneiro, todo transcorra con normalidade e diversión na Cabalgata de Reis. Este ano, a celebración será máis participativa que nunca e estará dedicada á música infantil galega. Un bo número de nenos e nenas será parte activa da Cabalgata, como paxes, integrantes do tren ou como integrantes da animación que acompañará a varias carrozas.

A Real Filharmonía de Galicia celebra, como cada ano por estas datas, o seu tradicional concerto de Reis. A cita este martes, 5 de xaneiro, ás 22:00 horas, no Auditorio de Galicia. Pola mañá, ás 11:00 horas, a orquestra realizará o ensaio xeral do concerto, que estará aberto ao público de forma gratuíta.

As Bolboretas do Nadal revoan polas rúas de Compostela ata o vindeiro 6 de xaneiro. Trátase dunha campaña da Concellaría de Igualdade, Desenvolvemento Económico e Turismo consistente en pillar bolboretas virtuais co móbil mediante a aplicación gratuíta iButterfly One. Con ela, os composteláns poden gozar da maxia da realidade aumentada ao tempo que percorren as rúas da cidade.

O alcalde de Santiago, Martiño Noriega, recibiu esta tarde a unha representación da Asociación de Veciños Camiño Francés, das Cancelas, encabezada polo presidente da mesma, Bautista Veiga.