LINGUA
Estrea das Tardes Xogantinas no Espazo Educativo e de Lecer María Miramontes
Esta tarde botan a andar as Tardes Xogantinas no Espazo Educativo e de Lecer María Miramontes, nas Fontiñas. Trátase dunha actividade dirixida a nenos e nenas de entre 3 e 6 anos, que poderán xogar e socializar en galego.
CONVIVENCIA
A Policía Local realiza unha campaña de control do uso do cinto e dos sistemas de retención infantil
Durante toda esta semana, a Policía Local realizará controis do uso do cinto de seguridade e dos sistemas de retención infantil, no marco dunha nova campaña de vixilancia da Dirección Xeral de Tráfico.
MEDIO RURAL
O Concello destina 630.000 euros á mellora de equipamentos deportivos e de ocio no rural
Nas próximas semanas comezarán as obras que se van executar en diferentes parroquias do rural para mellorar os seus equipamentos deportivos e de ocio. Trátase de actuacións en Figueiras, Verdía e Lavacolla, nas que se van investir 630.000 euros.
CONSORCIO
O Consorcio celebrou unha nova Comisión Executiva
O Consorcio de Santiago celebrou esta mañá a súa Comisión Executiva, presidida polo alcalde da cidade e presidente do organismo interadministrativo, Martiño Noriega.
EDUCACIÓN E CIDADANÍA
Recepción ao alumnado do Iacobus 2019 da Escola Técnica Superior de Arquitectura da Coruña
O concelleiro de Educación e Cidadanía, Manuel Dios, acompañado doutros integrantes da Corporación, recibiu no salón nobre de Raxoi, ao alumnado Erasmus Iacobus 2019 da Escola Técnica Superior de Arquitectura da Coruña (ETSAC).
EDUCACIÓN E CIDADANÍA
Este venres ábrese o prazo de inscrición no Programa Municipal de Conciliación de Semana Santa
O venres 15 de marzo ábrese o prazo de inscrición no Programa Municipal de Conciliación de Semana Santa 2019, organizado polo Departamento de Educación e Cidadanía. Este programa concíbese como un espazo educativo e de promoción do lecer, ademais de ser unha alternativa de conciliación para as familias no tempo de vacacións de Semana Santa.
ALCALDÍA
O alcalde condena as pintadas aparecidas no contorno da Catedral "porque nada xustifica a agresión ao patrimonio de todas e todos"
O alcalde expresou "a máis firme condena" ante as pintadas aparecidas esta mañá no contorno da Catedral de Santiago. Martiño Noriega lembrou que "nunha cidade que é Patrimonio Mundial da Humanidade, calquera reivindicación ten que respectar o patrimonio de todas e todos".
ALCALDÍA
Minutos de silencio en recordo dos atentados do 11-M e polas últimas vítimas da violencia machista
A praza do Obradoiro acolleu un minuto de silencio con motivo da conmemoración do 15º aniversario dos atentados do 11 de marzo de 2004, a proposta da Federación Española de Municipios e Provincias (FEMP) e da Asociación de Vítimas do Terrorismo. A continuación, gardouse outro minuto de silencio para condenar os últimos asasinatos machistas, acontecidos en Valga (Pontevedra), Madrid e Estepona (Málaga).
XUNTA DE GOBERNO
Concello e Acuaes asinarán o venres o convenio para desenvolver o proxecto da EDAR da Silvouta por diálogo competitivo
O alcalde, Martiño Noriega, viaxará o venres a Madrid para asinar con Acuaes o convenio para o financiamento dos custos incorridos no proceso de diálogo competitivo para a determinación do proxecto de construción da EDAR da Silvouta. O acordo foi aprobado hoxe pola Xunta de Goberno.
FACENDA E MEDIO AMBIENTE
O Goberno local modificará a ordenanza fiscal do lixo para incorporar a bonificación de SOGAMA
A concelleira de Economía e Facenda, María Rozas, e o edil de Medio Ambiente e Convivencia, Xan Duro, deron conta hoxe da modificación da ordenanza fiscal de recollida do lixo. A proposta ten que pasar pola Comisión de Facenda e polo Pleno e incorporará a bonificación do canon de SOGAMA aprobado o 23 de xaneiro pola Xunta de Galicia, que establece un 10% de bonificación, pasando de 69,83 por tonelada ea 62,93 no 2019.